Super Bowl 2026 стане самай дарагой трансляцыяй у гісторыі. Эль Фанінг будзе рэкламаваць маянэз, Лэдзі Гага — чыпсы, а Эма Стоўн будзе плакаць
Фінал чэмпіянату Нацыянальнай футбольнай лігі Super Bowl 2026, які адбудзецца праз тыдзень, 8 лютага, можа стаць самай папулярнай тэлетрансляцыяй у гісторыі: канал NBC чакае аўдыторыю памерам у 130 млн гледачоў.
Традыцыйна эфір Super Bowl з’яўляецца самай дарагой пляцоўкай для рэкламы: за 30 секунд экраннага часу кампаніі плацяць ад $8 да 10 млн, а ўвесь рэкламны інвентар распрадаецца за паўгода да самага мерапрыемства.
Фінал чэмпіянату Нацыянальнай футбольнай лігі (маецца на ўвазе амерыканскі футбол) Super Bowl 2026 адбудзецца 8 лютага на стадыёне Levi's Stadium у Санта-Клары (штат Каліфорнія).
У фінале (Super Bowl LX) згуляюць «Нью-Інглэнд Пэтрыётс» і «Сіэтл Сіхокс».
Сёлета самы чаканы выступ на арэне — рок-групы Green Day, а хэадлайнерам Super Bowl стане пуэртарыканскі рэпер Bad Bunny, які ўжо ў гэту нядзелю можа адхапіць «Грэмі».
Акрамя таго, перад матчам амерыканскі гімн выканае Чарлі Пут. На сцэну таксама выйдуць шматразовая ўладальніца статуэткі «Грэмі» Брэнда Карлайл і R&B-выканаўца Како Джонс.
Чакалася, што на мерапрыемстве выступяць Тэйлар Свіфт або Адэль, але першая не дамовілася з арганізатарамі па фінансавых умовах, а другая адмовілася выступаць з-за «занадта моцнага акцэнту шоу на відовішчнасць, а не на музыку».
Трансляцыя Super Bowl штогод ставіць рэкорды па ўвазе аўдыторыі. За мінулагоднім турнірам у прамым эфіры сачылі 127,7 млн гледачоў у ЗША, што зрабіла яго самай папулярнай тэлетрансляцыяй у гісторыі. У гэтым годзе арганізатары чакаюць пераадолець планку ў 130 млн.
Чакаецца рэклама ад Pepsico, якую зняў новазеладзец Тайка Вайціці. Паводле сюжэту белы мядзведзь будзе тэсціць кока-колу і пэпсі.
Будзе рэклама сэрвісу дастаўкі ежы Uber Eats з акцёрам Мэцью Макконахі. Лэдзі Гага будзе рэкламаваць нерухомасць ад Rocket, а актрыса Эль Фанінг — маянэз.
Будуць таксама прарэкламаваныя чыпсы Lays (акцёр, дакладней, яго рука трымаецца ў таямніцы). Pringles прарэкламуе Сабрына Карпентэр, якая таксама прэтэндуе на «Грэмі» за найлепшую пенсю.
Амерыканская кампанія па стварэнні інтэрнэт-сайтаў Squarespace зняла рэкламу з удзелам Эмы Стоўн. Не дзіва, што рэжысёрам выступіў Ёргас Ланцімас, вядомы па фільмах «Небаракі», «Бугонія», «Фаварытка», «Забойства свяшчэннага аленя» і «Лобстар».
Сюжэт роліка, выкананага ў стылістыцы чорна-белага кароткаметражнага кіно і знятага на плёнку ў Лондане, пакуль трымаецца ў таямніцы, але ў тызеры быў паказаны драматычны кадр са Стоўн са слязьмі на вачах.
Цяпер чытаюць
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам1
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары