ЗША знайшлі спосаб скараціць пастаўкі расійскай нафты ў Індыю. План у тым, каб Індыя замяніла расійскую нафту на венесуэльскую. Пра гэта паведамляе агенцтва Reuters са спасылкай на крыніцы.
Індыя абяцала скараціць закупкі расійскай нафты пасля таго, як ЗША павялічылі для яе мыты. Найбліжэйшыя месяцы плануецца зніжэнне імпарту на некалькі сотняў тысяч бараляў на дзень. Мэта ЗША — зменшыць даходы Расіі ад продажу нафты, якія фінансуюць вайну ва Украіне.
Пакуль не зразумела, ці будзе венесуэльская нафта пастаўляцца праз міжнародныя кампаніі, як Vitol або Trafigura, ці проста праз дзяржаўную кампанію PDVSA.
Індыя стала галоўным пакупніком расійскай нафты пасля ўвядзення санкцый супраць Расіі ў 2022 годзе. Міністр нафты Індыі Хардып Сінгх Пуры заявіў, што краіна дыверсіфікуе крыніцы паставак, бо імпарт расійскай нафты скарачаецца. Цяпер Індыя купляе каля 1,2 мільёна бараляў на дзень, у лютым плануецца каля 1 мільёна, а ў сакавіку — каля 800 000 бараляў. У перспектыве закупкі могуць зменшыцца да 500—600 тысяч бараляў на дзень, што дапаможа Індыі заключыць гандлёвую дамову з ЗША.
У снежні імпарт расійскай нафты ў Індыю быў найменшым за два гады, а доля краін АПЕК у імпарце дасягнула максімуму за 11 месяцаў. Індыйскія нафтаперапрацоўчыя заводы павялічваюць закупкі нафты з Блізкага Усходу, Афрыкі і Паўднёвай Амерыкі, каб замяніць расійскую нафту.
У 2025 годзе прэзідэнт ЗША Дональд Трамп увёў 25% мыты на краіны, якія купляюць венесуэльскую нафту, у тым ліку Індыю. Але пасля таго як ЗША пасля захопу Нікаласа Мадура ў пачатку гэтага года ўзмацнілі кантроль над нафтавай прамысловасцю Венесуэлы, сітуацыя змянілася.
Трамп пагражае тарыфамі краінам, якія пастаўляюць нафту на Кубу
Што цяпер з эканомікай Венесуэлы? І ці стала больш свабоды?
Дэлсі Радрыгес заклікала палітыкаў Венесуэлы да дыялогу для пераадолення крызісу
Венесуэла пачала аднаўляць здабычу нафты пад кантролем ЗША
Трамп назваў сябе «выканаўцам абавязкаў прэзідэнта Венесуэлы»
Цяпер чытаюць
Арыштавалі прадстаўнікоў кампаніі Bayer у Беларусі15
Каментары