У Інданезіі знайшлі найстаражытнейшыя ў свеце ўзоры наскальнага жывапісу
У Інданезіі археолагі знайшлі найстаражытныя ўзоры наскальнага жывапісу, якія цяпер лічацца найстарэйшымі вядомымі навуцы. Гэта адкрыццё дазваляе лепш зразумець, як старажытныя людзі рассяляліся па Паўднёва-Усходняй Азіі, паведамляецца ў даследаванні, апублікаваным у часопісе Nature.
Да гэтага лічылася, што найстарэйшыя ўзоры наскальнага жывапісу знаходзяцца на поўдні інданезійскага вострава Сулавесі і ўсходняй частцы Барнеа. Але паўднёва-ўсходняя частка Сулавесі, дзе першыя ўзоры былі знойдзеныя яшчэ ў 1977 годзе, доўгі час заставалася недаследаванай.
Каманда пад кіраўніцтвам Максіма Оберта з Брысбенскага ўніверсітэта (Аўстралія) вывучыла гэты рэгіён і знайшла 14 новых археалагічных помнікаў з узорамі наскальнага жывапісу, якія раней не былі вядомыя. Сярод іх — каляровыя адбіткі чалавечых рук і малюнкі людзей, знойдзеныя ў карставых пячорах на востраве Муна.
Каб вызначыць узрост малюнкаў, навукоўцы выкарыстоўвалі радыяізатопны аналіз мінеральных налётаў, якія часткова пакрывалі выявы за дзясяткі тысяч гадоў. У выніку засведчаны мінімальны ўзрост — 67 800 гадоў, што робіць гэтыя малюнкі найстарэйшымі вядомымі на сёння.
Даследаванне паказала, што пячора выкарыстоўвалася для жывапісу на працягу як мінімум 35 тысяч гадоў, а 20 тысяч гадоў таму яе ўжо актыўна выкарыстоўвалі. Гэта сведчыць, што востраў Сулавесі быў цэнтрам адной з самых багатых і працяглых мастацкіх культур у старажытнай гісторыі чалавека.
Акрамя таго, навукоўцы заўважылі, што адбіткі рук спецыяльна змянялі, сціскаючы пальцы, каб яны нагадвалі кіпці. Магчыма, гэта сімвалізавала сувязь паміж людзьмі і жывёламі — падобнае ўжо адзначалася ў ранейшых малюнках на Сулавесі, у тым ліку выявы істоты, часткова чалавечай, часткова жывёльнай.
Адкрыццё таксама праясняе пытанне, калі людзі ўпершыню засялілі дагістарычны кантынент Сахул (цяперашнія Аўстралія, Новая Гвінея, Тасманія). Яно падтрымлівае меркаванне, што продкі першых аўстралійцаў былі ў Сахуле ўжо 65 тысяч гадоў таму.
У Турцыі выкрылі буйное махлярства з замежнымі турыстамі. Іх возяць па славутасцях, якіх не існуе
Выявілася, што самыя старажытныя наскальныя малюнкі зрабіў не чалавек разумны
Навукоўцы знайшлі самыя старажытныя прыклады муміфікацыі чалавечых целаў. Яны сушыліся дымам
На Зямлі ёсць нябачная мяжа, якую жывёлы не перасякаюць. Вось чаму
Ціханоўская і Зяленскі ўпершыню правялі сустрэчу. Зяленскі запрасіў Святлану ў Кіеў14
Каментары