Пасля таго, як восенню ЗША адмянілі санкцыі супраць беларускай авіякампаніі Belavia, яна пачала больш актыўна развіваць сетку сваіх маршрутаў. У сувязі з гэтым узнікла пытанне, ці магчымыя ў будучыні палёты ў Злучаныя Штаты, піша Office Life.
Намеснік генеральнага дырэктара Belavia па маркетынгу Уладзімір Баркун паведаміў, што ў 2026 годзе рэйсаў у ЗША пакуль чакаць не варта. Аднак ён падкрэсліў, што праца ў гэтым кірунку вядзецца, а ў якасці найбольш перспектыўнага напрамку разглядаецца Нью-Ёрк.
У верасні стала вядома пра зняцце санкцый з Belavia за вызваленне Лукашэнкам з калоній 52 палітвязняў, а ў лістападзе Вашынгтон афіцыйна выключыў авіякампанію з санкцыйнага спіса. Міністр транспарту і камунікацый Ігар Голуб тлумачыў, што гэта перш за ўсё дазволіла вырашаць пытанні, звязаныя з абслугоўваннем самалётаў, фінансавымі разлікамі, а таксама адкрыла магчымасці для запуску новых кірункаў і падпісання міждзяржаўных дамоў аб паветраных зносінах.
Апошнім часам у Belavia з’явіліся тры далёкамагістральныя самалёты. Два з іх ужо эксплуатуюцца, што дазволіла адкрыць рэйсы на Хайнань, у В’етнам і на Шры-Ланку. Трэці самалёт плануюць увесці ў строй да лютага, а ў пачатку 2026 года кампанія збіраецца пачаць палёты ў Тайланд.
Лаўроў назваў адмену санкцый супраць «Белавія» «круцельскай гісторыяй»
«Белавія» падключылася да расійскай сістэмы авіяцыйнай сувязі
«Белавія» да лета набудзе некалькі самалётаў
«Белавія» правяла першы за амаль чатыры гады рэйс у Алматы. Гэта стала магчымым пасля зняцця амерыканскіх санкцый
У ЗША заклапочаныя, каб пасля зняцця санкцый з «Белавія» дэталі для «Боінгаў» не траплялі ў Расію
Начальнік міліцыі Брагіна страляў у сваю жонку. Яна цудам выжыла9
Каментары