Міністр замежных спраў Расіі Сяргей Лаўроў падчас выступлення пасля III Мінскай канферэнцыі па еўразійскай бяспецы адзначыў, што хоць ЗША і аслабілі санкцыі супраць беларускай авіякампаніі «Белавія», гэта, па яго словах, «круцельская гісторыя». Ён падкрэсліў, што многія абмежаванні ўсё яшчэ дзейнічаюць.
Лаўроў сказаў, што Расія заўсёды вітае, калі «незаконныя меры» адмяняюцца і гэта спрыяе натуральнаму ўзаемавыгаднаму супрацоўніцтву. Аднак, паводле яго, зняцце санкцый у дачыненні да «Белавія» насамрэч вельмі абмежаванае: застаюцца забароны, звязаныя з палётамі на вялікія адлегласці і пастаўкамі запчастак, якія ўсё яшчэ залежаць ад рашэнняў амерыканскага боку. Таму гэта «круцельская гісторыя».
Расійскі міністр таксама адзначыў, што гэтыя дзеянні ЗША маюць хутчэй сімвалічны, «вонкавы» эфект. Паводле яго, хоць крок зроблены ў правільным кірунку, ён не здымае залежнасці «Белавія» ад ЗША, у тым ліку ў плане тэхнічнага забеспячэння і ўплыву на палітыку кампаніі і Беларусі ў цэлым.
Сяргей Лаўроў выказаў надзею, што амерыканцы вернуцца да «сумленнага вядзення спраў». Ён нагадаў, што Расія яшчэ ў пачатку года прапаноўвала аднавіць прамыя авіярэйсы паміж дзвюма краінамі, але пакуль з боку ЗША цікавасці да гэтага не відаць.
11 верасня прадстаўнік Белага дома Джон Коўл падчас візіту ў Мінск паведаміў пра частковае змякчэнне санкцый супраць «Белавія». Гэта адбылося пасля таго, як беларускія ўлады вызвалілі больш 52 палітвязняў, выдварыўшы іх з краіны. Пры гэтым ЗША дазволілі закупку запчастак не для ўсіх самалётаў Boeing кампаніі, а палёты ў Расію і некаторыя іншыя краіны засталіся пад забаронай.
У ЗША заклапочаныя, каб пасля зняцця санкцый з «Белавія» дэталі для «Боінгаў» не траплялі ў Расію
Мінфін ЗША патлумачыў, як з «Белавія» здымуць санкцыі
«Абсурдна на фоне адмены санкцый з боку ЗША». МЗС Беларусі абурыўся, што Польшча і Латвія закрылі неба на мяжы
Ці змогуць самалёты «Белавія» пасля зняцця санкцый ЗША зноў лётаць у Еўропу?
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
P.S. Лавров ещё не учёл, что Лукашенко подарили запонки из магазина мерчей. )))