У Шуміліне завялі крымінальную справу на 41‑гадовую жанчыну. Ёй інкрымінуецца арганізацыя і выкарыстанне для заняцця прастытуцыяй заведама непаўналетняга, паведамілі ў Следчым камітэце.
У верасні 2025 года мясцовы жыхар знаходзіўся ў сваім гаражы і ўбачыў, як у суседняе памяшканне ўвайшлі дарослы мужчына і дзяўчынка. Пачуўшы крыкі: «Не! Не трэба!», відавочца зазірнуў унутр і выклікаў супрацоўнікаў праваахоўных органаў, піша СК.
У 62‑гадовага мужчыны і 16‑гадовай дзяўчыны следчым былі канфіскаваны мабільныя тэлефоны. Аналіз перапіскі паказаў: падлетак сістэматычна аказвала інтымныя паслугі за грошы, а арганізатарам гэтага аказалася яе маці.
Следствам устаноўлена, што 41‑гадовая жанчына асабіста займалася аналагічнай дзейнасцю і ўцягнула ў яе дачку.
Менавіта яна знаёміла дзяўчынку з кліентамі, сярод якіх мужчыны ва ўзросце ад 35 да 79 гадоў. Усе заробленыя сродкі непаўналетняя перадавала маці.
Падчас допыту падазраваная патлумачыла, што ідэя выкарыстоўваць дачку ўзнікла пасля просьбы аднаго з кліентаў пазнаёміць яго з дзяўчынкай.
На 41‑гадовую жанчыну пачалі крымінальную справу па ч.2 арт. 171 (арганізацыя і выкарыстанне для заняцця прастытуцыяй заведама непаўналетняга) Крымінальнага кодэкса Рэспублікі Беларусь. Артыкулам прадугледжана пакаранне ў выглядзе пазбаўлення волі на тэрмін ад пяці да дзесяці гадоў са штрафам.
-
Беларускі зняволены мала таго, што стрэс грошы з Расіі за ўмовы ўтрымання ў СІЗА, дык яшчэ і выбіў кампенсацыю за доўгае чаканне тых грошай
-
У цэнтры Мінска матацыкліст жорстка ўрэзаўся ў аўто — ажно пераляцеў машыну ВІДЭА
-
У Мюнхене беларус, украінец і немец у масках і са зброяй абрабавалі мінака. Ужо праз восем хвілін іх арыштавалі
Цяпер чытаюць
Бізнэсовец родам з Бабруйска адмовіцца ад свайго гіганцкага аўстралійскага заробку дзеля шанцу атрымаць $35 мільёнаў3
Каментары
Ва ўсім вінаваты - муж! Які альбо не вытрымаў і сышоў ад такой лярвы, альбо не дастаткова фінансава забяспечваў усе іх з дачкою хацелкі.