Вайскоўцы ЗША нанеслі ўдары па дзвюх лодках наркагандляроў ва ўсходняй частцы Ціхага акіяна на гэтым тыдні, заявіў міністр абароны Піт Хэгсет.
Два ўдары па судах у Ціхім акіяне — восьмы і дзявяты вядомыя ўдары вайскоўцаў ЗША па нібыта суднах, што займаліся кантрабандай наркотыкаў, з пачатку верасня — відаць, азначаюць пашырэнне вайсковай кампаніі ЗША, бо ўсе сем папярэдніх удараў былі нанесены па лодках у Карыбскім моры, паведамляе CNN.
Паводле слоў чыноўнікаў, усяго ў дзевяці ўдарах загінулі прынамсі 37 чалавек.
«Наркатэрарысты, якія маюць намер прынесці яд на нашы берагі, не знойдуць бяспечнай гавані ні ў адной частцы нашага паўшар’я», — сказаў Хегсет у сераду ў X, адзначыўшы, што ўдар у Ціхім акіяне ў аўторак забіў абодвух людзей на борце.
Хэгсет паведаміў, што лодка, па якой быў нанесены гэты ўдар, «кіравалася прызнанай тэрарыстычнай арганізацыяй і займалася наркатрафікам ва ўсходнім Ціхім акіяне» і «паводле нашай разведкі была вядомая як удзельніца ў незаконным гандлі наркотыкамі, рухалася па вядомым маршруце наркатрафіку і перавозіла наркотыкі».
Пазней у сераду Хегсет паведаміў, што ЗША правялі смяротны ўдар па другой падазронай наркалаўцы ва ўсходнім Ціхім акіяне, забіўшы ўсіх трох людзей на борце.
«Сёння, па распараджэнні прэзідэнта Трампа, Міністэрства вайны правяло яшчэ адзін смяротны ўдар па судне, якім кіравала прызнаная тэрарыстычная арганізацыя (DTO)», — напісаў Хегсет у паведамленні.
Міністр дадаў, што ніводзін амерыканскі вайсковец не пацярпеў падчас двух удараў у Ціхім акіяне, і параўнаў наркатрафікантаў з «Аль-Каідай».
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі6
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары