Юлія Міцкевіч пра Ціханоўскага: Турма нікога не робіць лепшым, толькі горшым
Паводзіны Сяргея Ціханоўскага на сустрэчы ў Нью-Ёрку абмеркавалі 27 верасня ў эфіры «Раніцы з Белсатам». Госцем студыі стала Юлія Міцкевіч, намесніца прадстаўніцы па сацыяльнай палітыцы Аб’яднанага Пераходнага Кабінета.
У Міцкевіч спыталі, што стаяла за паводзінамі Сяргея Ціханоўскага, калі ён публічна націснуў на жонку, каб тая засталася з ім на сустрэчы з дыяспарай і адмовілася ад інтэрв’ю CNN.
«Вось вы згадалі слова «эмацыянальныя паводзіны». Я буду тут крыху больш рэзкай, і я скажу, што з майго боку тое, што я назірала, што мы ўсе бачылі, гэта было вельмі безапеляцыйнае і хамскае парушэнне межаў Святланы — асабістых і прафесійных — з выкарыстаннем маніпуляцый, эмацыйнага шантажу. І ў гэтым ёсць пэўныя патэрны паводзін, таму што калі мы ўспомнім пэўныя моманты, якія мы назіралі (у тым ліку, і ў дваццатым годзе, яшчэ да таго, як Сяргея арыштавалі і пасадзілі) — гэта было вельмі падобна. Турма нікога не робіць лепшым, толькі горшым», — рэзюмавала намесніца міністаркі АПК.
Масавыя палітычныя рэпрэсіі ў Беларусі працягваюцца з 2020 года. Тады, мяркуючы па пратаколах участковых выбарчых камісій, Аляксандр Лукашэнка прайграваў Святлане Ціханоўскай, але не аддаў улады.
Па словах намесніка начальніка Галоўнага ўпраўлення працэсуальнага кантролю Следчага камітэта Аляксандра Жукава, было зафіксавана больш за 22 500 «злачынстваў экстрэмісцкай скіраванасці», гэта значыць, палітычнага характару. Па многіх з гэтых крымінальных справаў праходзяць шматлікія фігуранты.
Згодна з інфармацыяй Паўла Латушкі, прадстаўніка Аб'яднанага пераходнага кабінета, з 2020 года рэпрэсіі закранулі 136 тысяч чалавек. Некалькі соцень тысяч беларусаў вымушаныя былі пакінуць краіну.
«Неразуменне таго, што не ён, а Святлана цяпер цэнтральная фігура. На шкоду грамадскім інтарэсам»
«У нас інтэрв'ю CNN не пад жэншчыну». Як беларусы каментуюць у сацсетках канфлікт Ціханоўскіх
Ціханоўскі патлумачыў, чаму ён так паводзіў сябе ў Нью-Ёрку
Пад ціскам мужа Святлана Ціханоўская адмяніла інтэрв'ю CNN і працягнула размову з беларусамі ў Нью-Ёрку
Цяпер чытаюць
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1818
Каментары
Так, на "левацкай" мове можна гэта і так назваць, але ж галоўнае, што дасканалы і моцны палітык Светлана, не здюжыла сваі межы абараніць, болей за то, нават яе каманда не здолела гэтага зрабіць.