Жанчыне, якой тэрмінова патрэбна аперацыя, не даюць дазволу на яе легчы
Ірыну Левіну з Мазыра, якая мае цяжкае анкалагічнае захворванне, улады не выпускаюць у Мінск на жыццёва неабходную аперацыю, піша «Гомельская вясна».
25 чэрвеня каля Мазырскага анкалагічнага дыспансера сілавікі затрымалі жанчыну на вачах у медыкаў і пацыентаў. Пазней высветлілася, што жанчыну завуць Ірына Левіна, а пераслед яе мае палітычны характар.
Спачатку Ірыну трымалі ў гомельскім СІЗА №3, дзе стан здароўя рэзка пагоршыўся. Каб пазбегнуць смерці ў ізалятары, яе вызвалілі, і яна працягнула лячыцца ў Мазыры і Гомелі.
Паводле заключэння Гомельскага абласнога анкадыспансера, адзіным спосабам выратаваць жыццё Ірыны з’яўляецца тэрміновая перасадка касцянога мозгу. Жанчына атрымала накіраванне ў Мінскі навукова-практычны цэнтр хірургіі, транспланталогіі і гематалогіі, дзе аперацыю прызначылі на 7 кастрычніка.
Такое лячэнне патрабуе доўгага знаходжання ў шпіталі — як перад, так і пасля аперацыі, магчыма, нават на працягу года. Але паехаць у Мінск Ірына Левіна не можа, бо для гэтага патрэбны афіцыйны дазвол следчага, які вядзе яе справу. Супрацоўнікі сілавых структур яго не выдаюць.
Без гэтай аперацыі жыццё Ірыны пад пагрозай. Яна сама вельмі напалохана магчымасцю вяртання ў СІЗА і баіцца парушыць умовы, таму не адважваецца ехаць без дазволу.
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары