Ціханоўская заклікала сусветную супольнасць патрабаваць вызвалення Міколы Статкевіча
Дэмакратычная лідарка Беларусі выступіла з заклікам патрабаваць вызвалення Міколы Статкевіча, які быў вызвалены ў мінулы чацвер, але адмовіўся пакідаць Беларусь і зноў быў арыштаваны.
«На мінулым тыдні кандыдат у прэзідэнты на выбарах 2010 года адмовіўся ад прымусовай дэпартацыі пасля вызвалення разам з іншымі 51 палітвязнем», — напісала палітык 15 верасня на сваёй старонцы ў сацыяльнай сетцы Х, рэагуючы на інфармацыю «Нашай Нівы», што Статкевіч знайшоўся ў калоніі ў Глыбокім.
Як стала нам вядома, былы вайсковец «знайшоўся» ў Глыбокім, дзе адбываў 14-гадовы тэрмін.
69-гадовы экс-кандыдат у прэзідэнты ў чацвер высадзіў нагою дзверы аўтобуса і выйшаў у нейтральнай зоне між Беларуссю і Літвой, калі яго спрабавалі дэпартаваць 11 верасня.
Статкевіча арыштавалі яшчэ да выбараў 2020 года. Апошнія 2 гады і 7 месяцаў трымалі ў рэжыме інкамунікада на турэмным рэжыме ў памяшканні камернага тыпу ў калоніі Глыбокага, ад яго не было ні слова, ні вестачкі.
Каментары
Сейчас опять снимут за его обмен какие то санкции, а он вернётся вновь.
Не плохой бизнес
Фанатики ждём ответ.
Давайце лепш 10 разоў па 50 чалавек вызвалім спачатку.