Беларускі форвард ГКС з Катавіцаў, што перайшоў у футбольную каманду з варшаўскай «Легіі», выйшаў на замену на 59-й хвіліне ў матчы супраць «Лехіі» з Гданьска.
ГКС у той час прайграваў 0:1, а потым прапусціў яшчэ адзін мяч.
Клуб з Катавіцаў займае 14-ы радок у турнірнай табліцы.
Ілля перайшоў у ГКС з варшаўскай «Легіі», дзе гуляў ад лютага, але ў гэтым сезоне перастаў трапляць у асноўны склад і не быў уключаны ў заяўку каманды ў асноўны раўнд Лігі канферэнцый. За «Легію» беларус правёў 16 матчаў, забіў два галы.
Перад гэтым ён паспяхова выступаў за «Сталь» з Мельца, правёўшы за клуб 53 матчы і забіўшы 21 мяч. Таксама ў ягонай біяграфіі ў польскай Экстралізе ёсць «Ракуў», там, праўда, згуляў усяго два матчы.
Шкурын у 2020 годзе адмовіўся прыязджаць у нацыянальную зборную, пакуль краінай кіруе Лукашэнка.
Цяпер чытаюць
Анжаліка Мельнікава пасля знікнення набыла дзве кватэры ў Мінску75
Каментары