Жонцы брытанскага дыпламата прысудзілі 7 гадоў калоніі за палітыку
52-гадовую грамадзянку Беларусі і Брытаніі Юлію Фенер затрымалі вясной мінулага года пры перасячэнні мяжы. Жанчыну абвінавацілі ў «садзейнічанні экстрэмісцкай дзейнасці» і «ўдзеле ў пратэстах» і асудзілі да калоніі. Праваабаронцы прызналі яе палітзняволенай, піша «Вясна».
Юлія Фенер мае два грамадзянствы — беларускае і брытанскае.
Жанчыну затрымалі на мяжы 31 сакавіка 2024 года пры спробе заехаць у Беларусь.
Ёй прад'явілі абвінавачванні паводле двух артыкулаў Крымінальнага кодэкса: ч. 2 арт. 342 (актыўны ўдзел у дзеяннях, што груба парушаюць грамадскі парадак) і ч. 1 і 2 арт. 361-4 (садзейнічанне экстрэмісцкай дзейнасці). Але сутнасць абвінавачванняў праваабаронцам невядомая. Затрыманую змясцілі ў СІЗА да суда.
У выніку 21 жніўня 2025 года Юлію асудзілі да сямі гадоў зняволення.
Юлія ў пачатку 2000-х працавала ў пасольстве Вялікабрытаніі ў Мінску. Яна пабралася шлюбам з Марцінам Фенерам, намеснікам кіраўніка місіі.
Пасля Беларусі сям'я жыла ў Туркменістане і расійскім Екацярынбургу, куды адправілі Марціна.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары
ня можа быць такога статусу ў Беларусі, бо яна грамадзянка Беларусі. У іншай краіне, калі мае брытанскі дыппашпарт і мае дыпвізу - так. Простая наяўнасьць дыппашпарта не надае дыпстатус.