Знялі забарону на камандныя выступленні беларускіх гімнастаў і акрабатаў
Міжнародная федэрацыя гімнастыкі (FIG) дазволіла беларускім спартсменам выступаць не толькі ў індывідуальных, але і ў групавых і камандных міжнародных спаборніцтвах.
Цяпер, напрыклад, у скачках на батуце беларусы змогуць прэтэндаваць на медалі ў сінхронных і змешаных сінхронных скачках. Гэта асабліва для іх важна напярэдадні чэмпіянату свету, які пройдзе ў іспанскай Памплоне ў лістападзе.
Галоўная трэнерка зборнай Беларусі па спартыўнай акрабатыцы Анжэла Янусік адзначыла, што вяртанне на міжнародную сцэну выклікала ў спартсменаў і трэнераў моцныя эмоцыі і радасць, бо яны доўга гэтага чакалі.
Раней FIG дазваляла беларускім і расійскім спартсменам выступаць толькі ў індывідуальным нейтральным статусе. У лістападзе 2023 года былі ўведзеныя правілы допуску беларускіх і расійскіх атлетаў да спаборніцтваў пад эгідай FIG.
Міжнародная федэрацыя гімнастыкі ўключае ў сябе сем відаў гімнастыкі: мужчынскую і жаночую спартыўную гімнастыку, мастацкую гімнастыку, спартыўную аэробіку, спартыўную акрабатыку, скачкі на батуце і паркур.
Да чэмпіянату свету па фехтаванні дапусцілі нават «нейтральных» расійскіх афіцэраў
Малдова забараніла ўезд у краіну беларускай зборнай па кікбоксінгу. У яе складзе быў і Дзмітрый Шакута
Беларуска, якая асудзіла рэпрэсіі і расійскую агрэсію, стала медалісткай прэстыжных лёгкаатлетычных спаборніцтваў
У цэнтры Мінска прайшлі спаборніцтвы на драганботах ФОТЫ
Каментары
Міжнародныя спартовыя канторы ўсё больш і больш перагортваюць старонку. І не толькі старонку злачынстваў кіроўнага ў Беларусі рэжыму супраць свайго народу, але і старонку ягонага суўдзелу ва ўзброенай агрэсіі расіі супраць Украіны.
Цяпер адно спадзяванне на МЗС Гішпаніі, каб яно візы не надало. Бо кожная спартовая ўдача выхаванцаў лукашысцкіх ДЮСШ на сусветных спаборніцтвах - гэта вада на млын лукашысцкай прапаганды.