Źniali zabaronu na kamandnyja vystupleńni biełaruskich himnastaŭ i akrabataŭ
Mižnarodnaja fiederacyja himnastyki (FIG) dazvoliła biełaruskim spartsmienam vystupać nie tolki ŭ indyvidualnych, ale i ŭ hrupavych i kamandnych mižnarodnych spabornictvach.
Ciapier, naprykład, u skačkach na batucie biełarusy zmohuć pretendavać na miedali ŭ sinchronnych i źmiešanych sinchronnych skačkach. Heta asabliva dla ich važna napiaredadni čempijanatu śvietu, jaki projdzie ŭ ispanskaj Pampłonie ŭ listapadzie.
Hałoŭnaja trenierka zbornaj Biełarusi pa spartyŭnaj akrabatycy Anžeła Janusik adznačyła, što viartańnie na mižnarodnuju scenu vyklikała ŭ spartsmienaŭ i trenieraŭ mocnyja emocyi i radaść, bo jany doŭha hetaha čakali.
Raniej FIG dazvalała biełaruskim i rasijskim spartsmienam vystupać tolki ŭ indyvidualnym niejtralnym statusie. U listapadzie 2023 hoda byli ŭviedzienyja praviły dopusku biełaruskich i rasijskich atletaŭ da spabornictvaŭ pad ehidaj FIG.
Mižnarodnaja fiederacyja himnastyki ŭklučaje ŭ siabie siem vidaŭ himnastyki: mužčynskuju i žanočuju spartyŭnuju himnastyku, mastackuju himnastyku, spartyŭnuju aerobiku, spartyŭnuju akrabatyku, skački na batucie i parkur.
Da čempijanatu śvietu pa fiechtavańni dapuścili navat «niejtralnych» rasijskich aficeraŭ
Małdova zabaraniła ŭjezd u krainu biełaruskaj zbornaj pa kikboksinhu. U jaje składzie byŭ i Dźmitryj Šakuta
Biełaruska, jakaja asudziła represii i rasijskuju ahresiju, stała miedalistkaj prestyžnych lohkaatletyčnych spabornictvaŭ
U centry Minska prajšli spabornictvy na drahanbotach FOTY
«Pra jaki sajuz možna havaryć?» Łukašenka ŭ Astanie raskrytykavaŭ Rasiju za naviazvańnie utylzboraŭ15
Kamientary
Mižnarodnyja spartovyja kantory ŭsio bolš i bolš pierahortvajuć staronku. I nie tolki staronku złačynstvaŭ kiroŭnaha ŭ Biełarusi režymu suprać svajho narodu, ale i staronku jahonaha suŭdziełu va ŭzbrojenaj ahresii rasii suprać Ukrainy.
Ciapier adno spadziavańnie na MZS Hišpanii, kab jano vizy nie nadało. Bo kožnaja spartovaja ŭdača vychavancaŭ łukašysckich DIUSŠ na suśvietnych spabornictvach - heta vada na młyn łukašysckaj prapahandy.