Na Śvisłačy 22 i 23 maja prajšli zajezdy na nie samych zvykłych dla biełaruskaha voka łodkach. Niepadalok ad stancyi mietro «Niamiha» na start vyjšli «drakony» — 20-miascovyja kitajskija kanoe, piša Tochka.by.
Pieršymi novy vid transpartu zmahli aprabavać studenty BDEU i Instytuta hramadzianskaj abarony MNS. Akramia ich, u spabornictvach pryniali ŭdzieł pradstaŭniki inšych VNU Biełarusi.
Spabornictvy na hetych kitajskich łodkach vielmi niazvykłyja biełaruskamu hledaču, choć sam pa sabie vid sportu naličvaje davoli doŭhuju historyju.
Jaho hałoŭnaja asablivaść — kolkaść vieślaroŭ u łodcy (10 abo 20), jakija siadziać pa dvuch jaje bartach i razhaniajuć svoj karabiel viosłami. Dla taho kab usia hetaja hrupa spartsmienaŭ dziejničała sinchronna, u łodcy znachodzicca bubnač, jaki adstukvaje nieabchodny jaho kamandzie temp. Akramia taho, jašče adnym udzielnikam zajezdu źjaŭlajecca rulavy, jaki pry dapamozie admysłovaha prystasavańnia na karmie zadaje kirunak ruchu łodki.
Spabornictvy «drakonaŭ» pravodziacca na dystancyjach ad 200 da 2000 mietraŭ i ŭvachodziać u prahramu Suśvietnych hulniaŭ — čempijanatu, jaki abjadnoŭvaje niealimpijskija vidy sportu.
Chutka pa hetym vidzie projdzie čempijanat Jeŭropy. Pakul na našych vodnych prastorach asvojvajecca novy vid sportu, pradstaŭniki bolš znajomych z «drakonam» kamandaŭ rychtujucca da jeŭrapiejskaha forumu. Vialiki turnir adbudziecca ŭ Italii z 4 pa 7 červienia 2025 hoda.
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary