Spabornictvy pa viesłavańni na Alimpijadzie-2032 chočuć pravieści na race, dzie žyvuć krakadziły
Aŭstralijski horad Rakchemptan u štacie Kvinślend abrany miescam praviadzieńnia alimpijskich spabornictvaŭ pa viesłavańni na race Ficroj, u jakoj žyvuć krakadziły, paviedamlaje Fiederacyja viesłavańnia Aŭstralii.
Ale heta jašče nie aznačaje, što rašeńnie pryniata. U zajavie adznačajecca, što aŭstralijskaja zbornaja ŭžo vykarystoŭvała hety rehijon dla trenirovak pierad Tokia-2021 i maje namier rychtavacca tut da Hulniaŭ u Łos-Andželesie (2028) i Bryśbienie (2032).
Adnak raka Ficroj pakul nie prajšła techničnuju ekśpiertyzu, nieabchodnuju dla praviadzieńnia spabornictvaŭ nacyjanalnaha abo mižnarodnaha ŭzroŭniu.
«Spraviadlivaść i biaśpieka — hałoŭnyja kryteryi dla trasy takoha ŭzroŭniu. Najaŭnaść płyni, jakaja moža ŭpłyvać na vyniki abo davać pieravahu peŭnym darožkam, niedapuščalnaja. Taksama važnymi faktarami źjaŭlajucca jakaść vady i baraćba z vodaraściami», — adznačaje arhanizacyja.
Kiraŭnic Fiederacyi viesłavańnia Aŭstralii Sara Kuk (udzielnica Alimpijskich hulniaŭ) dadała: «Rakchemptan — pryjemnaje miesca, dzie našy vieślary zaŭsiody adčuvali siabie jak doma dziakujučy ciopłamu pryjomu miascovaj supolnaści. Ale lubaja trasa dla mižnarodnych startaŭ pavinna stroha adpaviadać techničnym standartam World Rowing. Hety analiz jašče nie pravodziŭsia».
Ciapier čytajuć
Ci vyjdzie bijahrafija Paźniaka i ŭ čym hałoŭnaja prablema biełaruskaj litaratury? Januškievič — pra tyražy i kankurencyju z ruskaj knihaj2
Ci vyjdzie bijahrafija Paźniaka i ŭ čym hałoŭnaja prablema biełaruskaj litaratury? Januškievič — pra tyražy i kankurencyju z ruskaj knihaj
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary