Małdova zabaraniła ŭjezd u krainu biełaruskaj zbornaj pa kikboksinhu. U jaje składzie byŭ i Dźmitryj Šakuta
Ułady Małdovy zabaronili ŭjezd u krainu biełaruskaj zbornaj pa kikboksinhu, u tym liku trenieru Dźmitryju Šakucie, jaki znachodzicca pad mižnarodnymi sankcyjami za mahčymuju datyčnaść da śmierci aktyvista Ramana Bandarenki ŭ Minsku. U vyniku hetych dziejańniaŭ Suśvietnaja asacyjacyja kikboksinhu (WKF) uvohule admianiła čempijanat Jeŭropy, jaki płanavaŭsia ŭ Małdovie z 22 pa 29 červienia.
Pavodle paviedamleńnia TVR Moldova, ujezd u krainu byŭ zabaronieny 152 hramadzianam Rasii, 64 hramadzianam Biełarusi, a taksama niekatoraj kolkaści pradstaŭnikoŭ Hruzii i Azierbajdžana.
Małdaŭskija śpiecsłužby patłumačyli rašeńnie mierkavańniami nacyjanalnaj biaśpieki. Pavodle ich tłumačeńnia, niekatoryja ŭdzielniki mahli pieraśledavać mety, nie źviazanyja sa sportam, i, mahčyma, mieli suviazi z vajskovymi strukturami abo ŭdzielničali ŭ raspaŭsiudžvańni prarasijskaj prapahandy.
Častka hetych ludziej nie była dapuščanaja navat da pasadki ŭ samalot, a 38 čałaviekam admovili va ŭjeździe paśla prybyćcia ŭ Kišynioŭ.
Čempijanat arhanizoŭvała meryja Kišyniova sumiesna z kłubam Garuda, jakim kiruje sprečnaja fihura — Rustam Alimaŭ. Čempijanat vyklikaŭ krytyku siarod inšaha i tamu, što WKF nie pryznajecca Mižnarodnym alimpijskim kamitetam i, pavodle paviedamleńnia, maje suviazi z asobami z Rasii, jakija znachodziacca pad sankcyjami. Prezident WKF Fryc Eksenbierhier raniej byŭ vyklučany ź inšaj mižnarodnaj spartyŭnaj arhanizacyi za machlarstva.
Taksama Ministerstva adukacyi i daśledavańniaŭ Małdovy asudziła praviadzieńnie hetaha turniru biez naležnaha ŭzhadnieńnia z uładami i z udziełam rasijskich spartsmienaŭ pad nacyjanalnaj simvolikaj, što supiarečyć mižnarodnym sankcyjam.
Asobnaja ŭvaha źviernuta na prysutnaść u biełaruskaj delehacyi Dźmitryja Šakuty — jon znachodzicca pad sankcyjami ZŠA, Łatvii, Litvy i Estonii za mierkavanaje saŭdzieł u žorstkim źbićci i hibieli Ramana Bandarenki ŭ 2020 hodzie.
U hadavinu śmierci Ramana Bandarenki na BT adbyłasia premjera šou, dzie adzin z udzielnikaŭ — Šakuta
Na ŭčastku Šakuty pad Minskam zhareła pabudova. Padazrajuć padpał
Mužčyna, jaki napaŭ na Ramana Bandarenku, padobny da čempijona pa kikboksinhu, instruktara čaści 3214
Restaratar, jaki vyklikaŭ Łukašenku na duel, atrymaŭ adkaz. Ale nie ad Łukašenki VIDEA
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary
Nie znaju, kak Baskovu v siekcii karate, a my na piervom žie zaniatii vsie byli stroho prieduprieždieny o niedopustimosti primienienija połučajemych navykov za priediełami kovra i zała, inačie kak dla sobstviennoj zaŝity i zaŝity druhich.
Eti žie ubludki umyšlenno ubili čiełovieka, a pričinienije tiažkich tielesnych pri primienienije navykov bojevych jedinoborstv kvalificirujetsia imienno tak, i dołžny byť isklučieny iz fiedieracij bojevych iskusstv s požiźniennym zaprietom dopuska k učastiju v sorievnovanijach i žiźni fiedieracii v lubych kačiestvach i ipostasiach.