Da čempijanatu śvietu pa fiechtavańni dapuścili navat «niejtralnych» rasijskich aficeraŭ
Mižnarodnaja fiederacyja fiechtavańnia (FIE) dapuściła 40 «niejtralnych» fiechtavalščykaŭ z Rasii i Biełarusi da čempijanatu śvietu, jaki adbudziecca z 22 pa 26 lipienia ŭ hruzinskim Tbilisi. Ukraina ŭžo vykazała pratest takomu rašeńniu, zajaviŭšy, što pravierka niejtralnaha statusu biełaruskich i rasijskich fiechtavalščykaŭ była paviarchoŭnaj i parušaje ŭsie zajaŭlenyja praviły, piša «Radyjo Svaboda».
Asablivuju ŭvahu ŭ śpisie dapuščanych da čempijanatu pryciahnuli Safija Vialikaja, jakaja maje zvańnie majora armii RF, i lejtenant Jana Jaharjan. Heta supiarečyć rekamiendacyjam MAK, zhodna ź jakimi spartsmieny z vajskovymi zvańniami i datyčnaściu da siłavych struktur Rasii i Biełarusi nie mohuć ličycca niejtralnymi.
Abiedźvie zhadanyja rasijskija fiechtavalščycy znachodziacca pad ukrainskimi sankcyjami za raspaŭsiudžvańnie i padtrymku rasijskaj prapahandy.
Ad Biełarusi ŭ śpisie 12 čałaviek:
Špaha: Kaciaryna Pašarniova, Alaksandra Curskaja, Dźmitryj Rykunoŭ, Mark Siemanienka.
Šabla: Kaciaryna Rahačoŭskaja, Jana Sobal, Siarhiej Kisiel, Ściapan Kaval.
Rapira: Darja Ułasava, Uładzimir Butenka, Uładzisłaŭ Nikaluk, Jahor Rabcoŭ.
FIE dazvoliła ŭdzieł hetych spartsmienaŭ taksama i ŭ kamandnych spabornictvach.
Fiederacyja fiechtavańnia Ukrainy (FFU) užo adreahavała na rašeńnie FIE.
«Heta — plavok u tvar nie tolki ŭkrainskim spartsmienam, ale i ŭsioj suśvietnaj spartyŭnaj hramadskaści. My z samaha pačatku padkreślivali, što ŭvieś hety praces pravierki rasijskich fiechtavalščykaŭ na pradmiet niejtralnaści źjaŭlajecca farsam. Ciapier, spadziajusia, heta stała zrazumieła ŭsim inšym zamiežnym fiederacyjam, jakija rabili vyhlad, što adbor narmalny.
Takoje dziorzkaje rašeńnie stała mahčymym, bo ŭsie papiarednija skarhi Fiederacyi fiechtavańnia Ukrainy zastavalisia biez reakcyi, u tym liku z boku Mižnarodnaha alimpijskaha kamiteta», — zajaviŭ prezident FFU Michaił Iljašaŭ.
Ukrainskaja fiederacyja ciapier vyznačaje jurydyčnyja kroki, kab supraćstajać hetamu rašeńniu, a taksama źviartajecca ŭ śpiecsłužby krainy z zaklikam prymianić praduhledžanyja zakonam zachady ŭ dačynieńni da kiraŭnictva Mižnarodnaj fiederacyi fiechtavańnia.
Biełaruskim fiechtavalščykam dazvolili vystupać na mižnarodnych spabornictvach
Dačka emihrantaŭ ź Biełarusi stała alimpijskaj čempijonkaj u fiechtavańni na rapirach u składzie zbornaj ZŠA
Małdova zabaraniła ŭjezd u krainu biełaruskaj zbornaj pa kikboksinhu. U jaje składzie byŭ i Dźmitryj Šakuta
Biełaruska, jakaja asudziła represii i rasijskuju ahresiju, stała miedalistkaj prestyžnych lohkaatletyčnych spabornictvaŭ
Ciapier čytajuć
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje88
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje8
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ99
Kamientary