У Бешанковічах мужчына паспрабаваў прадаць птушаня і атрымаў «адміністратыўку»
Аб'ява пра продаж птушаняці дзікай вушастай савы з'явілася ў адной з сацсетак, што выклікала рэакцыю неабыякавых грамадзян — яны звярнуліся ў інспекцыю аховы прыроды, піша тэлеграм-канал «Витебск, я гуляю!»
Аказалася, што птушанят было двое: аднаго сапраўды забраў да сябе жыхар пасёлка, а другі застаўся ў гарадскім парку каля дзіцяча-юнацкай спартыўнай школы.
Забраную з дзікай прыроды птушку ў мужчыны канфіскавалі, а на яго распачалі адміністрацыйную справу паводле ч. 3 арт. 16.23 КаАП.
Савянят у выніку вярнулі ў парк, дзе іх чакала маці. Неўзабаве дарослая сава знайшла сваіх птушанят — і сям'я ўз'ядналася.
Каментары