У аэрапорце «Шарамеццева» неадэкватны мужчына падышоў да чужога дзіцяці, узяў яго на рукі і з сілай кінуў аб падлогу — малы ў коме, мужчына затрыманы, піша Baza.
Усё адбылося ўвечары 23 чэрвеня ў зоне атрымання багажу тэрмінала С.
Грамадзянін Беларусі, 31-гадовы Уладзімір В., які прыляцеў з Кабула, падышоў да двухгадовага хлопчыка, рэзка ўзяў яго на рукі і моцна кінуў на падлогу. Малы ўдарыўся галавой і страціў прытомнасць.
Дзіцяці аказалі першую дапамогу і шпіталізавалі ў дзіцячы клінічны цэнтр імя Рашаля ў Краснагорску. Медыкі дыягнаставалі ў хлопчыка ўдар галаўнога мозгу, дзіця ўпала ў кому.
Уладзіміра затрымалі і накіравалі на медыцынскае абследаванне.
Паводле слоў відавочцаў, мужчына відавочна знаходзіўся ў неадэкватным стане.
Цяпер чытаюць
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў1010
Каментары