У Малдове на гей-прайдзе зноў засвяціўся «старакаталіцкі святар» з Наваградка, пра якога не было нічога чуваць больш за 5 гадоў
У сеціве распаўсюджваецца відэа з гей-параду ў Кішынёве 15 чэрвеня, адзін з удзельнікаў якога прадставіўся як «святар старакаталіцкай царквы» і прыйшоў на акцыю ў адпаведным уборы. Выданне Кatolik.life пазнала чалавека на відэа і нагадвае, што «святар» не мае ніякага дачынення да Каталіцкай царквы. Калісьці ён ужо грымеў у СМІ.
Гэта Дзмітрый Бондар — жыхар Навагрудка, які некалі рабіў правакацыйныя публікацыі ў Instagram, быў удзельнікам скандалаў і героем публікацый медыя.
Дзмітрый Бондар стаў вядомым у 2018 годзе, калі ў СМІ прадставілі яго як «святара XXI стагоддзя». Ён на самой справе быў пасвечаны ў святары, але не ў Каталіцкай царкве, а ў самаабвешчанай малаколькаснай супольнасці ў Польшчы, якая называе сябе «старакаталіцкай царквой».
Да гэтага Бондар працаваў у БРСМ і кіраваў мясцовым дзяржпрадпрыемствам кінапракату. У 2019 годзе яго асудзілі за стварэнне небяспекі заражэння ВІЧ — амаль год ён быў у зняволенні.
З тых часоў Бондар больш не з'яўляўся ў інфармацыйнай прасторы. Але аказалася, што ён па-ранейшаму вядзе свой Instagram, выкладвае відэа на «духоўныя» тэмы, таксама паказвае падабенства адпраўлення імшы.
Мяркуючы па ягоных пастах, апошнім часам Бондар жыве ў Польшчы, «служыць» у Беластоку. Верагодна, у Кішынёў ён прыязджаў спецыяльна для ўдзелу ў прайдзе, правядзенне якога, дарэчы, не было дазволена ўладамі.
Апошняе фота з відам Навагрудка, прычым на фоне каталіцкага храма, Бондар выкладаў у 2022 годзе.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў13
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары
‐-----------
Шлях, як у гродзенскага Юркi Аляксея.... былога дырэктара Беларусьфiльма, а зараз начальнiка гродзенскага пралукашэнкаускага прафсаюза!