U Małdovie na hiej-prajdzie znoŭ zaśviaciŭsia «starakatalicki śviatar» z Navahradka, pra jakoha nie było ničoha čuvać bolš za 5 hadoŭ
U siecivie raspaŭsiudžvajecca videa z hiej-paradu ŭ Kišyniovie 15 červienia, adzin z udzielnikaŭ jakoha pradstaviŭsia jak «śviatar starakatalickaj carkvy» i pryjšoŭ na akcyju ŭ adpaviednym ubory. Vydańnie Katolik.life paznała čałavieka na videa i nahadvaje, što «śviatar» nie maje nijakaha dačynieńnia da Katalickaj carkvy. Kaliści jon užo hrymieŭ u ŚMI.
Heta Dźmitryj Bondar — žychar Navahrudka, jaki niekali rabiŭ pravakacyjnyja publikacyi ŭ Instagram, byŭ udzielnikam skandałaŭ i hierojem publikacyj miedyja.
Dźmitryj Bondar staŭ viadomym u 2018 hodzie, kali ŭ ŚMI pradstavili jaho jak «śviatara XXI stahodździa». Jon na samoj spravie byŭ paśviečany ŭ śviatary, ale nie ŭ Katalickaj carkvie, a ŭ samaabvieščanaj małakolkasnaj supolnaści ŭ Polščy, jakaja nazyvaje siabie «starakatalickaj carkvoj».
Da hetaha Bondar pracavaŭ u BRSM i kiravaŭ miascovym dziaržpradpryjemstvam kinaprakatu. U 2019 hodzie jaho asudzili za stvareńnie niebiaśpieki zaražeńnia VIČ — amal hod jon byŭ u źniavoleńni.
Z tych časoŭ Bondar bolš nie źjaŭlaŭsia ŭ infarmacyjnaj prastory. Ale akazałasia, što jon pa-raniejšamu viadzie svoj Instagram, vykładvaje videa na «duchoŭnyja» temy, taksama pakazvaje padabienstva adpraŭleńnia imšy.
Miarkujučy pa jahonych pastach, apošnim časam Bondar žyvie ŭ Polščy, «słužyć» u Biełastoku. Vierahodna, u Kišynioŭ jon pryjazdžaŭ śpiecyjalna dla ŭdziełu ŭ prajdzie, praviadzieńnie jakoha, darečy, nie było dazvolena ŭładami.
Apošniaje fota ź vidam Navahrudka, pryčym na fonie katalickaha chrama, Bondar vykładaŭ u 2022 hodzie.
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom11
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1919
Kamientary
‐-----------
Šlach, jak u hrodzienskaha Jurki Alaksieja.... byłoha dyrektara Biełaruśfilma, a zaraz načalnika hrodzienskaha prałukašenkauskaha prafsajuza!