Суд у Ноўгарадскай вобласці прызнаў мем з жабянём Пепе «экстрэмісцкай сімволікай ЛГБТ-руху» і аштрафаваў мясцовага жыхара Георгія Разанкова на 1500 расійскіх рублёў (гэта 56 беларускіх рублёў) за публікацыю двух малюнкаў у «ВКонтакте». Адзін з іх — гэта жабяня Пепе ў вясёлкавым парыку, другі — гістарычнае фота Клары Цэткін і Розы Люксембург з выявай вясёлкавага сцяга, піша «Вёрстка».
Хаця гэтыя выявы былі размешчаныя яшчэ ў 2020 годзе, суд палічыў, што парушэнне працягваецца, бо Разанкоў не выдаліў іх са сваёй старонкі пасля таго, як ЛГБТ прызналі «экстрэмісцкай арганізацыяй». На думку суда, усе карыстальнікі абавязаныя выдаляць нават старыя пасты з падобнай сімволікай.
Сам Разанкоў тлумачыў, што мем з Пепе — гэта сатыра, якая не мае дачынення да ЛГБТ, а фота з Цэткін і Люксембург таксама не з'яўляецца прапагандай. Ён адзначыў, што на момант публікацыі ніякіх забаронаў не было.
Пра гэтым у рашэнні суда былі дапушчаныя памылкі, напрыклад, у напісанні прозвішчаў («Цэнткін» і «Люксінбур»), а таксама ў колерах вясёлкавага сцяга (двойчы згаданы аранжавы замест фіялетавага).
У 2024 годзе ў Расіі было заведзена больш за 130 спраў, звязаных з «ЛГБТ-прапагандай» — у тым ліку за знешні выгляд, фота, лайкі і г.д. Агульная сума штрафаў перавысіла 25 мільёнаў расійскіх рублёў (каля 270 тысяч даляраў).
Жабяня Пепе (англ. Pepe the Frog) — гэта персанаж, які стаў адным з самых вядомых інтэрнэт-мемаў у свеце. Упершыню ён з'явіўся ў 2005 годзе ў серыі коміксаў Boy’s Club амерыканскага мастака Мэта Ф'юры. У гэтых коміксах Пепе быў вясёлым і бестурботным персанажам, які часта гаварыў фразу Feels good man («Як мне добра, чувак»).
У 2008 годзе адзін з фрагментаў комікса быў апублікаваны на форуме 4chan, дзе карыстальнікі пачалі пераасэнсоўваць вобраз Пепе. З цягам часу з'явілася версія з сумным выразам твару і подпісам Feels bad man («Як мне кепска, чувак»), якая стала сімвалам смутку і расчаравання ў інтэрнэце.
З часам Пепе стаў універсальным мемам, які выкарыстоўваецца для выражэння шырокага спектру эмоцый — ад радасці да злосці.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары
Вы часам не з тых, якія яшчэ пару гадоў таму абзывалі Пазняка русафобам?