Sud u Noŭharadskaj vobłaści pryznaŭ miem z žabianiom Piepie «ekstremisckaj simvolikaj ŁHBT-ruchu» i aštrafavaŭ miascovaha žychara Hieorhija Razankova na 1500 rasijskich rubloŭ (heta 56 biełaruskich rubloŭ) za publikacyju dvuch malunkaŭ u «VKontaktie». Adzin ź ich — heta žabiania Piepie ŭ viasiołkavym paryku, druhi — histaryčnaje fota Kłary Cetkin i Rozy Luksiemburh z vyjavaj viasiołkavaha ściaha, piša «Viorstka».
Chacia hetyja vyjavy byli raźmieščanyja jašče ŭ 2020 hodzie, sud paličyŭ, što parušeńnie praciahvajecca, bo Razankoŭ nie vydaliŭ ich sa svajoj staronki paśla taho, jak ŁHBT pryznali «ekstremisckaj arhanizacyjaj». Na dumku suda, usie karystalniki abaviazanyja vydalać navat staryja pasty z padobnaj simvolikaj.
Sam Razankoŭ tłumačyŭ, što miem ź Piepie — heta satyra, jakaja nie maje dačynieńnia da ŁHBT, a fota z Cetkin i Luksiemburh taksama nie źjaŭlajecca prapahandaj. Jon adznačyŭ, što na momant publikacyi nijakich zabaronaŭ nie było.
Pra hetym u rašeńni suda byli dapuščanyja pamyłki, naprykład, u napisańni proźviščaŭ («Centkin» i «Luksinbur»), a taksama ŭ kolerach viasiołkavaha ściaha (dvojčy zhadany aranžavy zamiest fijaletavaha).
U 2024 hodzie ŭ Rasii było zaviedziena bolš za 130 spraŭ, źviazanych z «ŁHBT-prapahandaj» — u tym liku za źniešni vyhlad, fota, łajki i h.d. Ahulnaja suma štrafaŭ pieravysiła 25 miljonaŭ rasijskich rubloŭ (kala 270 tysiač dalaraŭ).
Žabiania Piepie (anhł. Pepe the Frog) — heta piersanaž, jaki staŭ adnym z samych viadomych internet-miemaŭ u śviecie. Upieršyniu jon źjaviŭsia ŭ 2005 hodzie ŭ sieryi komiksaŭ Boy's Club amierykanskaha mastaka Meta Fjury. U hetych komiksach Piepie byŭ viasiołym i biesturbotnym piersanažam, jaki časta havaryŭ frazu Feels good man («Jak mnie dobra, čuvak»).
U 2008 hodzie adzin z frahmientaŭ komiksa byŭ apublikavany na forumie 4chan, dzie karystalniki pačali pieraasensoŭvać vobraz Piepie. Ź ciaham času źjaviłasia viersija z sumnym vyrazam tvaru i podpisam Feels bad man («Jak mnie kiepska, čuvak»), jakaja stała simvałam smutku i rasčaravańnia ŭ internecie.
Z časam Piepie staŭ univiersalnym miemam, jaki vykarystoŭvajecca dla vyražeńnia šyrokaha śpiektru emocyj — ad radaści da złości.
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»7
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary
Vy časam nie z tych, jakija jašče paru hadoŭ tamu abzyvali Paźniaka rusafobam?