Partyju, jakuju aktyŭna padtrymlivajuć łukašysty, pryznali ekstremisckaj u Hiermanii
Fiederalnaje viedamstva FRH pa abaronie kanstytucyi adniesła partyju «Alternatyva dla Hiermanii» da pravaekstremisckich arhanizacyj na dziaržaŭnym uzroŭni.
Rašeńnie viedamstva aznačaje, što AdH bolš nie znachodzicca prosta pad padazreńniami, ciapier u śpiecsłužbach jość dokazy taho, što partyja dziejničaje suprać demakratyčnaj sistemy Hiermanii.
Padstavaj dla pryznańnia AdH ekstremisckaj arhanizacyjaj staŭ unutrany dakład na 1000 staronak, u jakim zhadvajucca parušeńni bazavych kanstytucyjnych pryncypaŭ, takich jak hodnaść čałavieka i viaršenstva prava.
Heta stała samym surjoznym krokam u imknieńni aficyjnaha Bierlina strymać pravuju palityčnuju siłu, padtrymka jakoj raście.
«Alternatyva dla Hiermanii» na apošnich vybarach u Bundestah zaniała druhoje miesta, atrymaŭšy 20,8% hałasoŭ. Partyja vystupaje na prarasijskich pazicyjach i suprać padtrymki Hiermanijaj Ukrainy. Palityki z AdH časta pryjazdžajuć u Minsk, a pra pravapapulisckuju partyju kamplimientarna adhukajecca biełaruskaja prapahanda.
Saksonski deputat AdH Jorh Dornau maje pad Lidaj firmu «Cybulka-Bieł», na jakoj vykarystoŭvali pracu biełaruskich źniavolenych.
Ciapier čytajuć
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła44
Kamientary
Chotia, inohda i eto nado