Hramadstva66

«Havorka pra sotni čałaviek». Za hod u śpisie «ekstremisckich farmavańniaŭ» źjavilisia siem adukacyjnych prajektaŭ

Inicyjatyvy, jakija prapanoŭvali nastaŭnikam abmieńvacca kanśpiektami zaniatkaŭ, dzialicca karysnymi materyjałami i vučycca adzin ad adnaho pracy sa štučnym intelektam, pryznali «ekstremisckimi farmavańniami». Čamu tak adbyłosia?

Ilustracyjnaje fota: AP

Ź minułaha hoda jak minimum siem adukacyjnych prajektaŭ KDB dadaŭ da śpisu «ekstremisckich farmavańniaŭ». Častka ź ich nijak nie była źviazana z palitykaj — inicyjatyvy nakštałt «Adukavanki» ci Nastaunik.info raspaviadali pra samyja novyja pryncypy dla efiektyŭnaha vykładańnia i, naprykład, prapanoŭvali nastaŭnikam dapamožnik pa pracy z čatam GPT.

U śpisie taksama apynulisia «Vaśminoh» — płatforma dla školnikaŭ i ich nastaŭnikaŭ, prajekt dla žančyn «Škoła lidarstva», inicyjatyva «Heta moładź», stvoranaja pradstaŭnicaj Śviatłany Cichanoŭskaj Marharytaj Vorychavaj, Volny Biełaruski Univiersitet i inšyja. Sacsietki sajta z adukacyjnymi mahčymaściami adu.place sud Čašnickaha rajona paličyŭ «ekstremisckimi materyjałami».

Kiraŭnik prajekta «Vaśminoh» Alaksiej Kanstancinaŭ patłumačyŭ «Našaj Nivie», što, niahledziačy na toje, što KDB dadaŭ inicyjatyvu da «ekstremisckich farmavańniaŭ» u krasaviku 2025 hoda, płatforma faktyčna spyniła svaju pracu jašče letaś. Sajt z karysnymi materyjałami pry hetym usio jašče dasiažny.

«Na razmovy vyklikali amal usich nastaŭnikaŭ, jakija byli choć niejak aktyŭnyja»

Stvaralnica jašče adnoj adukacyjnaj inicyjatyvy, jakaja trapiła pad pryznańnie «ekstremisckim farmavańniem», u razmovie z «Našaj Nivaj» padkreśliła, što inicyjatyva nikoli nie była afilavanaja z palityčnymi strukturami i pracavała na stvareńnie supolnaści nastaŭnikaŭ unutry krainy.

Inha (imia aktyvistki źmieniena) pačała stvarać prajekt jašče ŭ 2019 hodzie, a ŭ 2021-m zaniałasia im bolš aktyŭna. Pakrysie inicyjatyva pašyrałasia i da 2024 hoda abjadnoŭvała ŭžo kala 1200 nastaŭnikaŭ pa ŭsioj Biełarusi. Asnoŭny cisk z boku siłavikoŭ na kamandu pačaŭsia ŭletku 2024 hoda.

«Na razmovy vyklikali amal usich nastaŭnikaŭ, jakija byli choć niejak aktyŭnyja. Havorka pra sotni čałaviek. Palityka siłavych orhanaŭ była takaja: pamachać palčykam, maŭlaŭ, adpisvajciesia, nie treba vam ź imi supracoŭničać, jany niecharošyja ludzi. Zapužvali», — kaža jana.

U niejki momant paviedamleńni z zaklikam nie daviarać arhanizataram pačali źjaŭlacca i ŭ čacie inicyjatyvy — rabiłasia heta z akaŭntaŭ tych, chto niadaŭna dałučyŭsia da abmierkavańnia.

«Kali Ofis pra ich piša, značyć, heta ich»

Na razmovach KDB ci zvyčajnyja milicyjaniery pytalisia ŭ vykładčykaŭ, čaho im nie chapaje ŭ dziaržaŭnaj adukacyi. I tak było pa ŭsioj Biełarusi, kaža Inha, — tanalnaść razmoŭ zaležała jašče ad rehijonu. Pierad vybarami nastaŭnikam kazali, što praź niezaležnyja adukacyjnyja prajekty im źbirajucca «pramyvać mazhi i kazać, kab jany zrabili revalucyju».

«My dystancyjanavalisia ad lubych palityčnych i kvazi-palityčnych kałabaracyj, prasili pra nas nijak nie pisać i nie ŭzhadvać. U KDB była pretenzija, što kaliści na sajcie Ofisa pa adukacyi kamandy Śviatłany Cichanoŭskaj, kali tam rabili ahlad mahčymaściaŭ, zhadvaŭsia naš prajekt. Kazali: voś, kali Ofis pra ich piša, značyć, heta ich. My adkazvali, što pra nas piša nie tolki Ofis, ale i Akademija paśladypłomnaj adukacyi i rehijanalnyja instytuty».

Na dumku Inhi, cisk na niezaležnyja adukacyjnyja prajekty ŭ Biełarusi źviazany nie stolki z samoj adukacyjaj, kolki z zabaronaj lubych struktur, vakoł jakich ludzi mohuć abjadnoŭvacca.

Z pryznańniem prajekta «ekstremisckim farmavańniem» Inha i jaje kalehi vyrašyli vydalić supołku, kab nie padstaŭlać ludziej u Biełarusi. Nastaŭniki pisali šmat słoŭ padtrymki i cikavilisia pra toje, čamu tak stałasia. «Adkazvali, što i sami nie razumiejem», — kaža aktyvistka.

«Prablema ŭ tym, što vykošvajecca kožnaja struktura, heta nie daje ludziam mahčymaści abmieńvacca dośviedam, raźvivacca. Dziaržaŭnaja adukacyja dastatkova niepavarotlivaja i nie pakryvaje całkam patreb u navučańni nastaŭnikaŭ. Niedziaržaŭnyja prajekty stvarali hetyja mahčymaści dla niefarmalnaha ŭzajemaabmienu vopytam — nasamreč, jon značna bolš upłyvaje na adukacyju, čym farmalnaje pavyšeńnie kvalifikacyi. Zaraz hetyja mahčymaści abmiežavanyja», — kaža Inha.

«Naša Niva» — bastyjon biełaruščyny

PADTRYMAĆ

Kamientary6

  • Žyhul
    10.05.2025
    Lubaja forma kaapieracyi pa-za zakonam, navat na vučobu pavinna być manapolija režymu. Išoŭ 2025 hod...
  • Leokadija Leonťjevna
    10.05.2025
    Nado ponimať, čto poślednich dva hoda v Biełarusi rabotajet rośsijskij karatielnyj apparat. Łukašienko prodał stranu putinam. On bolšie nie kontrolirujet prociessy. Vychod odin - maksimalno spasať dietiej. Uvoziť iz rabstva.
  • .
    10.05.2025
    Krok upierad da tatalitaryzmu. Kali nie tolki daminuje dziaržaŭny punkt hledžańnia, ale kali i inšych nie moža być, kali inšyja kryminalizavanyja.

    I ludzi spyniajucca ŭ raźvićci. Nie dajuć raźvivacca, a heta taksama častka žyćcia.
    I tak kraina spaźniajecca za inšymi, im treba ŭvohule prypynić usio.

Ciapier čytajuć

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku1

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku

Usie naviny →
Usie naviny

Inicyjatyva Maldzis viartaje staradruk Simiaona Połackaha11

Maradona padčas svajho vizitu ŭ Biełaruś nie zachacieŭ sustrakacca z Rumasam1

Łukašenka prakamientavaŭ źbićcio sabaki ŭ Hrodnie i raskazaŭ pra svajo trapiatkoje staŭleńnie da žyvioł10

Drony USU ŭdaryli pa dvuch rasijskich abjektach VPK

Uładalnica biełaruskaha brendu žanočaha adzieńnia Moshe ździviłasia šalonym cenam kankurentaŭ11

Izrail nanosić novy ŭdar pa Iranie3

«Prapanavaŭ hrošy». Biełaruska raspaviała, jak KDB sprabavaŭ jaje vierbavać1

Iranskija rakiety zabili 5 čałaviek u Izraili, bolš za 80 paranienyja. Celi byli vypadkovyja2

«U naš čas u Chrysta była b žoŭtaja birka». Były palitviazień Alaksandr Tarasienka raspavioŭ pra svoj dośvied za kratami2

bolš čytanych navin
bolš łajkanych navin

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku1

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku

Hałoŭnaje
Usie naviny →

Zaŭvaha:

 

 

 

 

Zakryć Paviedamić