Каліновец Аляксандр «Кусь» Клачко расказаў пра жудасны выпадак, які адбыўся з добраахвотнікам Белкай
«Да міны ён быў гатовы. А вось да таго, што на яго наездзе ўкраінскі БМП, не».
Госцем новага выпуску ток-шоу «Жыццё-маліна» стаў каліновец Аляксандр «Кусь» Клачко. Ён падзяліўся падрабязнасцямі таго, як атрымаў цяжкія траўмы беларускі добраахвотнік з пазыўным «Белка». Той спачатку служыў у палку Каліноўскага а потым перайшоў у Інтэрнацыянальны легіён. Там ён стаў штурмавіком.
Пасля вяртання з паспяховага выканання задання «Белка» падарваўся на міне. Але гэта толькі пачатак гісторыі. Пасля на байца наехала ўкраінскае БМП, якая павінна была забраць параненых.
Як згадвае Аляксандр, ён разам з іншым добраахвотнікам Аляксандрам «Лахвіч» Наўковічам наведалі «Белку» ў шпіталі ў Кіеве, і баец сам расказаў ім падрабязнасці:
«Ён кажа: «Да міны я быў гатовы. Я нават, можа, не пракрычаў». Ён на нагах яшчэ стаяў, калі падарваўся. Не ўпаў. Таму што ў галаве «тут яшчэ міны, я ўпаду на другую міну, адарвуся яшчэ больш і хлопцаў пашкоджу».
А вось да таго, што на мяне наездзе ўкраінскі БМП, я не быў гатовы. Я крычаў, у мяне істэрыка пачалася. Я немым голасам роў».
Там цемра. БМП не бачыць. І часткова наехаў.
«Белку» выратавала тое, што была гразь і ўтварылася каляіна. І ён ляжаў у ёй. Таму гэта змякчыла».
Як адзначае Клачко, размаўлялі яны з «Белкай» чатыры гадзіны. Цяжка пакалечаны добраахвотнік не губляў аптымізму і з гумарам згадваў акалічнасці:
«Калі «Белка» гэта расказваў, вы б самі са смеху ўгаралі. (…) Гэта гісторыя вельмі трагічная, але калі б вы былі там са мной, калі «Белка» нам з «Лахвічам» гэта расказваў… Чалавек проста малайчына. То-бок страціў нагу, атрымаў вялікія пашкоджанні костак таза, але захаваў моц духа».
Цяпер чытаюць
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў2
Каментары
[Зрэдагавана]