Чарговы антырэкорд. З'явілася свежая статыстыка пра нараджальнасць беларусаў
У Беларусі ўсё яшчэ не публікуюць дадзеныя аб колькасці нараджэнняў і смерцяў, гэта перасталі рабіць яшчэ ў 2020 годзе. «Люстэрка» пры дапамозе BELPOL атрымала свежыя непублічныя дадзеныя Міністэрства аховы здароўя, якія паказваюць сітуацыю з нараджальнасцю ў краіне.
З непублічнага дакумента Міністэрства аховы здароўя вынікае, што нараджальнасць у Беларусі працягнула падзенне, распачатае яшчэ некалькі гадоў таму.
У 2023 годзе ў краіне нарадзілася 64 605 дзяцей, а ў 2024-м — толькі 58 993 (гэта значыць на 8,7% менш).
З улікам гэтых звестак дынаміка колькасці народжаных дзяцей у Беларусі выглядае так.
Колькасць нараджэнняў (2012-2024)
А ў больш шырокай перспектыве — так.
Новыя лічбы — чарговы антырэкорд. Колькасць дзяцей, якія нарадзіліся ў Беларусі, зноў стала самай нізкай за ўсю гісторыю статыстычнай справаздачнасці ў Беларусі — з 1950 года.
Колькасць нараджэнняў (1950-2024)
— Зніжэнне нараджальнасці можа ўказваць на доўгатэрміновыя дэмаграфічныя і сацыяльна-эканамічныя тэндэнцыі, уключаючы змяненне структуры насельніцтва, узровень дабрабыту і сацыяльныя прыярытэты, — гаворыцца ў дакуменце Міністэрства аховы здароўя.
Што адбылося з афіцыйнай статыстыкай?
Інфармацыю па нараджальнасці і смяротнасці Белстат апошні раз абнаўляў у маі 2020 года. З таго часу арганізацыя перастала публікаваць гэтыя дадзеныя (і не толькі іх).
Апошні «Дэмаграфічны штогоднік» ведамства выпусціла па выніках 2019 года. Пасля гэтага Белстат спраўна абнаўляе інфармацыю аб насельніцтве Беларусі ў цэлым, выпускаў штогадовыя зборнікі з мноствам паказчыкаў. Але колькасць народжаных і памерлых там не ўказвалі, як і паказчыкі міграцыі.
Са статыстыкі ААН у сярэдзіне 2020-га стала вядома, што смяротнасць па выніках першага паўгоддзя пабіла пяцігадовы рэкорд — 66,9 тысячы памерлых, у той час як на працягу чатырох гадоў да гэтага паказчык не перавышаў 62,5 тысячы смерцяў. З тых жа дадзеных вынікала, што ў чэрвені 2020-га колькасць смерцяў на 3753 выпадкі перавысіла паказчык за той жа месяц 2019 года.
Пасля таго як беларускія медыі звярнулі ўвагу на гэтую статыстыку, у базе даных ААН паказчыкі па нашай краіне таксама перасталі абнаўляцца.
Са здабытых звестак вынікае, што нараджальнасць у Беларусі ў пераліку на 1000 жыхароў цяпер знаходзіцца прыкладна на такім жа ўзроўні, як нараджальнасць ва Украіне ваеннага часу. Ва Украіне ў 2024 годзе нарадзілася 177 тысяч дзяцей, што складае 6 на 1000 жыхароў. У Беларусі — 59 тысяч дзяцей, што складае прыкладна 6,6 на 1000 жыхароў.
-
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
-
«Байсол» абвінаваціў Стрыжака ў адмове перадаць кантроль над юрыдычнымі асобамі ў Польшчы і ЗША
-
Дэпартаваным палітвязням, каб абжыцца на новым месцы, зараз трэба простыя рэчы: вопратка, посуд, пасцель — збор
Цяпер чытаюць
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1111
Каментары