Кіраўніка мінскага АМАПа Балабу звольнілі, каб ён падшаманіў сабе большую пенсію?
У АМАПа будзе новы начальнік, а Балаба палепшыць сваё фінансавае становішча.
29 студзеня 2025 года Дзмітрыя Балабу перасунулі з пасады кіраўніка мінскага АМАПа ў старшыні беларускага фізкультурна-спартыўнага таварыства «Дынама» — арганізацыі, якая займаецца спортам, а таксама адпачынкам ваеннаслужачых.
Тое, што Балаба больш не начальнік АМАПа — факт. Цікавасць можна праявіць хіба што да дробязяў далейшай траекторыі ягонага лёсу.
Гранічны ўзрост службы для палкоўнікаў — 50 гадоў. Пасля 50 гадоў можна працягваць службу да 55 гадоў толькі атрымаўшы званне генерала, або, застаючыся палкоўнікам, — па рашэнні міністра ўнутраных спраў, з якім павінен пагадзіцца Аляксандр Лукашэнка.
Балаба меўся выйсці на пенсію ў 2022-м па дасягненні 50-годдзя, але яго не звольнілі, ён застаўся камандзірам АМАПа. Генеральскага звання ён не займеў, адпаведна, атрымаў дазвол ад міністра Івана Кубракова і Лукашэнкі.
Стаць генералам, як Карпянкову, Балабе не пашчасціла, хаця лютаваў ён не менш.
Па логіцы ён мог бы служыць яшчэ да 2027 года ў статусе начальніка АМАПа, але яго знялі. Але ці стаў ён пенсіянерам?
Наўрад ці.
На супрацоўнікаў БФСТ «Дынама» гэтак жа распаўсюджваецца дзеянне закона «Аб органах унутраных спраў», як на супрацоўнікаў іншых аддзелаў і ўпраўленняў МУС. Унутры «Дынама» работнікі растуць у званнях, як любыя іншыя.
Прызначэнне ў «Дынама» — гэта магчымасць дадаткова за два гады павялічыць базу, з якой будзе адлічвацца ягоная пенсія. Аклад кіраўніка такой вялікай гаспадарчай арганізацыі, як БФСТ «Дынама», большы, чым аклад начальніка мінскага АМАП.
Дзмітрый Балаба нарадзіўся ў Маладзечанскім раёне. Жыццё прысвяціў служэнню не закону і радзіме, а Аляксандру Лукашэнку. Пад кіраўніцтвам Балабы супрацоўнікі мінскага АМАП у прамысловых маштабах, масава і бязлітасна калечылі тысячы беларусаў без разбору на пол і ўзрост.
Бацькоўскую хату Балабы ў вёсцы Гарадзілава спалілі. Жонка Балабы яму неаднаразова здраджвала, у тым ліку з ягонымі падначаленымі.
Чытайце таксама: Апублікавалі размовы жонкі Балабы, у якіх яна спрабуе схаваць ад мужа трох каханкаў, у тым ліку Руслана Аляхно
Арыштаваны дырэктар Палаца Рэспублікі, адзін з арганізатараў Марафона адзінства9
Каментары
На пост председателя центрального совета БФСО «Динамо» ставят отставников, что позволит Балабе в дополнение к полковничьей пенсии получать приличные бонусы, чтобы удовлетворять свою молодую и требовательную новую жену с его пасынком.