З возера ў Чашніцкім раёне здабываюць рэдкае ўгнаенне, яго будуць пастаўляць у Кітай
Са дна Жэрынскага возера ў Чашніцкім раёне Віцебскай вобласці здабываюць сапрапель. Гэта каштоўнае ўгнаенне, з дапамогай якога павышаецца ўрадлівасць глеб і ўраджайнасць.
Хутка яго пачнуць прадаваць у крамах Беларусі і першую партыю адправяць у Кітай, піша «Сельская газета». Угнаенне будуць прадаваць пад гандлёвай маркай Saprovita.
Сапрапель плануюць узбагачаць мінеральнымі дадаткамі, напрыклад, каліем, каб павысіць яго кошт на рынку.
Таксама на заводзе ўсталёўваюць лінію для перапрацоўкі ўгнаення, каб яго можна было выкарыстоўваць у касметалогіі.
У Інстытуце прыродакарыстання Нацыянальнай акадэміі навук адзначаюць, што сапрапелі з беларускіх азёр актыўна здабывалі яшчэ ў савецкія гады. Каля 90% беларускіх здраўніц ужываюць сапрапелі ў выглядзе лячэбных гразяў для аздараўлення турыстаў.
Цяпер чытаюць
Беспілотнік, які ўпаў у Мінску, прыляцеў з боку Барысава — шматлікія сведчанні9
Каментары