Z voziera ŭ Čašnickim rajonie zdabyvajuć redkaje ŭhnajeńnie, jaho buduć pastaŭlać u Kitaj
Sa dna Žerynskaha voziera ŭ Čašnickim rajonie Viciebskaj vobłaści zdabyvajuć saprapiel. Heta kaštoŭnaje ŭhnajeńnie, z dapamohaj jakoha pavyšajecca ŭradlivaść hleb i ŭradžajnaść.
Chutka jaho pačnuć pradavać u kramach Biełarusi i pieršuju partyju adpraviać u Kitaj, piša «Sielskaja hazieta». Uhnajeńnie buduć pradavać pad handlovaj markaj Saprovita.
Saprapiel płanujuć uzbahačać minieralnymi dadatkami, naprykład, kalijem, kab pavysić jaho košt na rynku.
Taksama na zavodzie ŭstaloŭvajuć liniju dla pierapracoŭki ŭhnajeńnia, kab jaho možna było vykarystoŭvać u kaśmietałohii.
U Instytucie pryrodakarystańnia Nacyjanalnaj akademii navuk adznačajuć, što saprapieli ź biełaruskich azior aktyŭna zdabyvali jašče ŭ savieckija hady. Kala 90% biełaruskich zdraŭnic užyvajuć saprapieli ŭ vyhladzie lačebnych hraziaŭ dla azdaraŭleńnia turystaŭ.
Kamientary