«Мы не маем кур'ераў у Беларусі». Ініцыятыва Dissidentby пракаментавала фільм на АНТ
Праваабарончая ініцыятыва Dissidentby, прадстаўніца нібыта якой увечары 20 снежня фігуравала ў прапагандысцкім фільме на канале АНТ, следам за прадстаўнікамі фондаў «Байсол» і «Байхэлп» дала каментар па гэтай сітуацыі.
Паводле паведамлення ў тэлеграм-канале ініцыятывы, Dissidentby
увогуле не мае кур'ераў у Беларусі, а таксама не аплачвае адвакатаў і штрафы. Згаданая ў фільме жанчына па імені Алена Піскур не мае дачынення да ініцыятывы і паводле пацверджанай інфармацыі знаходзіцца ў бяспецы.
У той жа час інфармацыі пра сапраўды вызваленне пяці палітвязняў, паказаных у сюжэце, Dissidentby інфармацыі не мае.
«Мы не ведаем, ці выйшлі гэтыя людзі на волю, ці іх прымусілі толькі зняцца ў відэа. Але дакладна стала вядома, што Сяргей Чэкель, Аляксандр Лагута, Уладзімір Апановіч і Арцём Пуценіч адбываюць пакаранне ў ПУАТ-36, якая знаходзіцца ў Мінску. Сюжэт быў зняты каля ўстановы. Дзе адбывае пакаранне Уладзімір Балцянкоў, пакуль незразумела», — паведамляе ініцыятыва Dissidentby.
Цяпер чытаюць
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай4
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары