20 снежня на АНТ паказалі чарговы прапагандысцкі фільм, у якім нібыта раскрываюцца схемы працы фондаў, што падтрымліваюць палітзняволеных і іхных сваякоў. Кіраўнік ініцыятывы «Байхэлп» Аляксей Лявончык пракаментаваў сюжэт «Белсату», адзначыўшы, што сістэма дастаўкі дапамогі працуе, як і раней.
«Беларускім дзяржчыноўнікам вельмі б хацелася, каб нашая сетка салідарнасці была разгромленай. Не. Мы працягваем працаваць. Нашая сетка ўнутры краіны застаецца цэлай. Нашыя «дзясяткі кур’ераў» працягваюць заставацца на свабодзе. Нашыя базы застаюцца недатыкальнымі. А аматарам намаляваць таблічкі ў эксэлі на каленцы асаблівы прывет», — напісаў Аляксей Лявончык.
Ён адзначыў, што тое, што ў фільме «наверчана з імёнамі», — гэта абсалютнае трызненне.
«Я нават не магу зразумець, хто гэтыя людзі, якія там згадваліся. Я маю на ўвазе іх таблічку [кадр з фільма, дзе паказваецца «база звестак» з Jira]. Базу нашу ніхто не ўзломваў. Таму што мы не захоўваем звесткі ў адной базе, у нас іх некалькі, мы гэтыя звесткі раскідалі па некалькіх кластарах, каб на выпадак уцечкі мінімізаваць шкоду ад яе. Экспарт з Jira, якая не з’яўляецца ніякім «арганайзерам», не выглядае такім чынам, як там намалявана… Калі б гэта быў экспарт з Jira, табліца б была структуравана зусім інакш», — падкрэсліў Аляксей Лявончык.
Больш за тое, падкрэсліў суразмоўца, у арганізацыі база вядзецца не на расійскай мове, таму статусы «аплачана», якія былі насупраць некаторых прозвішчаў, выглядаюць вельмі дзіўна.
Таму, робіць выснову Аляксей Лявончык, гэтая база, верагодна «была скляпаная на каленцы» з тых даных, якія ў іх ужо ёсць».
Што да абазнанасці сілавікоў пра вядзенне ў арганізацыі праектаў праз Jira, то суразмоўца не выключае, што назва гэтага інструменту магла ўсплываць недзе ў размовах, калі ўлічваць, што ў арганізацыі працуе вялікая колькасць чалавек.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс1818
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс18
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5555
Каментары
А вось і чарговы пракол прапаганды!
Тур ізноў абас.раўся.