Халезін: Неўзлін фінансуе Хартыю'97 яшчэ з прэзідэнцкіх выбараў 2010 года
Рэжысёр Мікалай Халезін не разумее, навошта яму гэта трэба, але заўважае, што Неўзлін дае грошы на ўсе медыя, якія паліваюць Святлану Ціханоўскую. Пра гэта ён паразважаў у новым выпуску ТОКу.
«Я гэта ведаў яшчэ да выбараў 2010 года», — адзначыў Мікалай Халезін, каментуючы інфармацыю аб тым, што расійскі мільянер Леанід Неўзлін фінансуе беларускі апазіцыйны партал Хартыя'97.
«Гэта [фінансаванне] ідзе паўтара дзясятка гадоў. Тады [да выбараў 2010 года] яшчэ ён пачаў. [Журналістка] Іра Халіп была з ім была знаёмая. Ён пачаў фінансаваць. І так і фінансаваў. (…) Тады ж з'явілася такая пагалоска, што рускія фінансуюць [Андрэя] Саннікава, таму ён пайшоў у прэзідэнты. Але я не думаў, што ён будзе выбарчую кампанію яшчэ фінансаваць».
Па словах рэжысёра, працяглая гісторыя фінансавання Хартыі'97 расійскім мільярдэрам ператварыла апазіцыйны партал у «таксічную структуру, якая фінансуецца рускімі».
«У выніку ён іх корміць. Гэта ўсё ператварылася ў нейкую фінансавую структуру — калі табе жыллё аплачвае сайт, калі ты можаш сабе купіць кватэру, хоць ты нідзе не працаваў», — выказаў свой пункт гледжання Халезін і ўдакладніў, што кватэру ў Варшаве купіў [каардынатар Хартыі'97 Зміцер] Бандарэнка.
«Я гляджу, што нікога гэта не здзівіла. Ну купіў і купіў. Але я не вельмі разумею. Калі ты існуеш за гранты, то на якія грошы ты купіў кватэру? Як? Значыць, ты не траціш гранты на справу. (…)
Увогуле, дзіўная нейкая ўся канфігурацыя. І гэта ўсе паміж сабою абмяркоўвалі заўсёды. І нікога гэта ніяк не здзіўляла. Тыпу: «Дык гэта ж Хартыя», — каментуе рэжысёр.
На пытанне, які можа быць інтарэс Неўзліна ў падтрымцы Хартыі'97, Мікалай Халезін прызнаўся, што не ведае:
«Ён фінансуе ўсе медыя, якія паліваюць Ціханоўскую. Што гэта за гульня, я не вельмі разумею. Дзе Неўзлін, а дзе Ціханоўская. Ён сядзіць у Ізраілі, эмігрант на грошах. І?.. Добра, Ціханоўская дрэнная. І што? У чым бенефіт? Ты хочаш нешта прапанаваць замест? Замест нельга, не атрымліваецца, бо яе выбралі. (…)
Вельмі цікава і нічога не зразумела, як у спектаклі беларускага «Свабоднага тэатра», — кажа Мікалай Халезін.
Глядзіце цалкам:
Каго з беларускай апазіцыі падтрымлівае расійскі мільянер Неўзлін?
Халіп пра Саннікава, Ціханоўскую і катлеты: Гэта выключна пра ежу, бываюць такія дзіўныя супадзенні
Алексіевіч расказала, як ёй прапанаваў дапамогу расійскі мільярдэр Неўзлін
Расійскую «Соту», якая мочыць Ціханоўскую, спансіруе алігарх Неўзлін
Каментары
а дзе ціханоўская?
Яшчэ Сярожа Б " пасіанарый" метадолагшколка кухарэстаратар ..
.Мне падаецца гэта " западло" ці як там сярод неўзліных бярозоўскіх у 90 е казалі. Нехта адрознівае пах паміж Неўзліным Беразоўскім Хадаркоўскім Абрамовіча у 90 е і зараз ..
Навошта пытаецца ?? За малые грошы атрымаць Краіну у Эўропе у канцэсію?? Добры гешефт Лепш чым " юкос менатэп"