Які снежань без мандарынак? Іх аранжавы колер сімвалізуе свята Калядаў і Новага года.
Мандарыны ўтрымліваюць нямала глюкозы, якая стымулюе выпрацоўку інсуліну. Калі чалавек з'ядае занадта шмат садавіны за адзін прыём, то выпрацаваны інсулін парушае расшчапленне тлушчу, з-за чаго чалавек набірае вагу. Калі ж есці гэтыя плады ва ўмеранай колькасці, яны прыносяць толькі карысць.
Дзённая норма — 5-6 штук мандарынак сярэдняга памеру.
Разам з тым дактары кажуць, што кіслыя плады не рэкамендаваны людзям з захворваннямі стрававальнай сістэмы: гастрытам, калітам, язвавай хваробай, таксама пры праблемах з падстраўнікавай залозай і жоўцевым пухірам.
І, як і любы іншы цытрус, мандарыны здольныя выклікаць алергію. Таму дзецям да трох гадоў іх лепш даваць не занадта шмат, а дзецям да года не даваць зусім.
Як правільна захоўваць мандарыны
Звычайна мы бяром столькі мандарынаў, колькі зможам з'есці за пару вечароў. Але калі за святы ў вас з'явіцца мандарынавая залежнасць і вы пачняце закупляць цытрусавыя ў прамысловых маштабах, важна памятаць аб простых правілах захоўвання. Аказваецца, проста дастаць іх з пакета і прыбраць у скрынку недастаткова.
Трэба нацерці скурку алеем і змясціць садавіну ў спецыяльны адсек халадзільніка і трымаць пры тэмпературы +6 градусаў.
Вельмі важны ўзровень вільготнасці, нельга даць ім засохнуць. Абавязкова зніміце з мандарынаў поліэтыленавы пакет і змясціце іх у сетку. Калі на галінках ёсць лісточкі, не абрывайце іх, так садавіна даўжэй захоўваецца.
Таксама важна не забываць, што перад транспарціроўкай усе цытрусавыя праходзяць абавязковую апрацоўку сярністымі злучэннямі. Таму перад ядой садавіну з крамы варта мыць цёплай вадой з мылам.
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары