Апошні канадскі самалёт «Белавія» ніхто не купіў — цану зменшылі
Авіякампанія не пакідае спробаў прадаць Bombardier CRJ-100.
У канцы верасня «Белавія» выставіла на таргі апошні са сваіх пяці самалётаў канадскай вытворчасці Bombardier.
Аднак борт ніхто не купіў. Цяпер лот перавыставілі са зніжэннем цаны, заўважыў Blizko.by.
Bombardier CL-600-2B19 (CRJ-100) з рэгістрацыйным нумарам EW-100PJ выпушчаны ў 1999 годзе і першыя пяць гадоў свайго жыцця лётаў у авіякампаніях Францыі, Германіі, Канады і ЗША: Air Littoral, Eurowings, Avionco Canada, Mesa Airlines.
У «Белавія» самалёт апынуўся ў лютым 2007 года і лётаў да восені 2018-га. Апошнім рэйсам стаў пералёт з Будапешта ў Мінск 21 кастрычніка 2018-га, пасля чаго самалёт адправілі на захоўванне.
Новая стартавая цана самалёта складае 2 482 000 рублёў, яна зменшылася на 15% у параўнанні з першымі таргамі. Крок аўкцыёну складае 124 100 рублёў.
Пераможца, акрамя ўсёй сумы, павінен будзе аплаціць камісію арганізатару таргоў (0,5% ад цаны продажу лота) і выдаткі (каля 1000 рублёў).
Такім чынам, выніковая сума, якую павінен будзе выкласці пакупнік, складзе мінімум 2 620 130 рублёў, або прыкладна 793 500 даляраў па актуальным курсе Нацбанка.
Аўкцыён адбудзецца 12 лістапада 2024 года ў 11:00.
Цяпер чытаюць
У дажджавіках і па калена ў гразі. Чыноўнікаў у дождж пагналі на суботнік, сам Лукашэнка не пайшоў31
У дажджавіках і па калена ў гразі. Чыноўнікаў у дождж пагналі на суботнік, сам Лукашэнка не пайшоў
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары