Еўракамісія запатрабавала ад Венгрыі растлумачыць спрашчэнне ўезду для расіянаў і беларусаў
Еўракамісія запрасіла тлумачэнні ў Венгрыі наконт змякчэння візавых патрабаванняў для грамадзян Расіі і Беларусі, каб праверыць гэтае рашэнне на прадмет адпаведнасці нормам ЕС, заявіла на брыфінгу для журналістаў прадстаўніца ЕК Аніта Хіпер, якая адказвае за міграцыю і ўнутраную бяспеку ў аб'яднанні, піша РБК.
«Еўракамісія знаходзіцца ў кантакце з уладамі Венгрыі ў гэтым пытанні, каб растлумачыць маштабы гэтай схемы, і ці не парушае яна нашы правілы. Згодна з нашай палітыкай, Расія — гэта пагроза бяспецы ЕС, таму ЕС і яго члены павінны прымаць усе захады, каб гарантаваць бяспеку Еўрасаюза і Шэнгенскай прасторы», — сказала яна.
У ліпені Венгрыя пашырыла спіс краін, чые грамадзяне могуць атрымаць працоўныя візы па паскоранай працэдуры без праверак бяспекі, уключыўшы туды Расію і Беларусь. Яшчэ вясной венгерскія ўлады абвясцілі аб чаканні 65 тыс. замежных рабочых, якія маюць права прывезці з сабой сем'і і падаць праз тры гады заяву аб атрыманні пастаяннага дазволу на жыхарства.
Заканадаўства ЕС дазваляе ўрадам краін-членаў самастойна рэгуляваць правілы легальнай міграцыі і дазволаў на працу. Пры гэтым грамадзяне дзяржаў, якія не ўваходзяць у ЕС, але атрымалі дазволы або ДНЖ, як правіла, маюць магчымасць свабодна перамяшчацца па Шэнгенскай зоне, якая ўключае 27 краін супольнасці, а таксама Нарвегію і Швейцарыю.
Свецкае жыццё Дар’і Шманай: дні нараджэння дзяцей Кіркорава і Comedy Club4
Каментары