Оперная дзіва Маргарыта Ляўчук падзялілася здымкамі з вяселля.
З абраннікам Маргарыта распісалася ў Харкаве колькі месяцаў таму.
«Шчасце любіць цішыню, але ўсё ж прыйшоў час падзяліцца сваёй радасцю з вамі.
Я выйшла замуж за самага неверагоднага мужчыну, сапраўднага ўкраінскага героя і шыкоўнага прыгажуна. І так сталася, што Культурны дэсант здымаў наша вяселле ў Харкаве, каб зрабіць пра гэтую цудоўную падзею фільм у рамках праекта «Франтавая Студыя». І сёння нарэшце на ютубчыку Cultural Forces Music вы ўжо можаце яго паглядзець.
У якасці вясельнага падарунка ад Колі Сяргі, вядомыя ўсім украінскія зорачкі Саша Чэмераў і Сяргей Жадан, па нашай гісторыі кахання напісалі песню, якая стане хітом, як кажуць усе. Песню мы з маім мужам ужо запісалі і яна хутка будзе на ўсіх пляцоўках».
Спявачка дадала, што чакае дзіця.
Нядаўна Маргарыта пераехала жыць ва Украіну. Яе абраннік — Руслан Карнійка, ён з Харкава. Вучыўся ў Харкаўскім нацыянальным універсітэце Паветраных Сіл імя Івана Кажадуба. Служыць у супрацьпаветранай абароне, збіў каля дзясятка дронаў на подступах да Харкава.
Сама спявачка ездзіла на фронт выступаць перад вайскоўцамі разам з украінскім Культурным дэсантам. Тады і пазнаёмілася з Русланам.
А ў Брэсцкім абласным судзе спявачку месяц таму асудзілі завочна — ёй далі 6 гадоў пазбаўлення волі і штраф 800 базавых велічынь (32 тысячы рублёў). Яе абвінавацілі ў знявазе Лукашэнкі і ўладаў, удзеле ў экстрэмісцкім фармаванні, здзеку з дзяржаўнага сцяга.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос16
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1212
Каментары
https://d2accbiqacj5y8.cloudfront.net/336471
Жадаю ўсяго самага найлепшага маладой сям'і і дзіцятку. Беражыце сябе!