Прэзідэнт Украіны Уладзімір Зяленскі ўпэўнены, што пасля Украіны ў Еўрапейскі саюз аднойчы ўступіць і Беларусь.
Сёння Уладзімір Зяленскі падпісаў пагадненне аб бяспецы паміж Украінай і Еўрасаюзам. Яно ўключае пастаўкі зброі, навучанне вайскоўцаў, супрацоўніцтва ў абароннай прамысловасці, павышэнне ўстойлівасці да кіберпагроз і гібрыдных пагроз, аказанне дапамогі ў размінаванні тэрыторый.
У сваім выступе ў Еўрапейскай радзе пасле падпісання пагаднення Уладзімір Зяленскі заўважыў, што кожная еўрапейская нацыя, якая падзяляе супольныя еўрапейскія каштоўнасці, павінна стаць часткай еўрапейскай сям'і. Гэта справядліва як для Украіны, так і Малдовы, Грузіі, балканскіх краін.
«Я ўпэўнены, што будуць рашэнні адносна Беларусі, таму што гэта таксама еўрапейская нацыя, якая ў будучыні павінна быць у аб’яднанай Еўропе», — адзначыў прэзідэнт Украіны.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект18
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары