Ёргас Ланцімас паспеў зняць новы фільм са сваёй музай Эмай Стоўн у галоўнай ролі
На ютуб-канале Searchlight Pictures з'явіўся першы тызер «Kinds of Kindness» («Віды дабрыні») — новага фільма Ёргаса Ланцімаса.
У галоўных ролях — Эма Стоўн, Маргарэт Куолі, Уільям Дэфо з трыумфатара «Оскара» фільма «Небаракі», а таксама Джэсі Племанс, Хантэр Шэфер і іншыя. Карціну пачнуць паказваць з 21 чэрвеня.
У сінопсісе карціна называецца «байкай-трыпціхам»» якая раскажа адразу тры гісторыі:
— пра чалавека без выбару, які спрабуе ўзяць пад кантроль сваё жыццё;
— пра паліцэйскага, устрывожанага тым, што яго жонка вярнулася да яго і здаецца іншым чалавекам;
— пра жанчыну, якая вырашыла знайсці канкрэтнага чалавека, якому наканавана стаць нейкім духоўным лідарам.
Ланцімас — аўтар «Небаракаў», «Фаварыткі» з Эмай Стоўн, Алівіяй Коўлман і Рэйчэл Вайс і «Лобстара», выступіў рэжысёрам і аўтарам сцэнару.
Раней стала вядома яшчэ аб адным праекце Ланцімаса з Эмай Стоўн — рэмейку карэйскай камедыі «Выратаваць зялёную планету!». Здымкі карціны пачнуцца летам 2024 года ў Вялікабрытаніі і Нью-Ёрку, паведамляе «Афіша»
Папярэдні фільм Ланцімаса «Небаракі» заваяваў «Залатога льва» ў Венецыі, чатыры «Оскары» (у тым ліку за найлепшую жаночую ролю «Оскар» атрымала Эма Стоўн) і пяць прэмій BAFTA.
За ролю брытанскай каралевы Ганны Алівія Коўлман у фільме «Фаварытка» таксама атрымала «Оскар».
Цяпер чытаюць
Былы палітвязень знайшоў у Вільні падпрацоўку ў чаце — і трапіў пад крыміналку за правакацыі супраць Украіны5
Каментары