Jorhas Łancimas paśpieŭ źniać novy film sa svajoj muzaj Emaj Stoŭn u hałoŭnaj roli
Na jutub-kanale Searchlight Pictures źjaviŭsia pieršy tyzier «Kinds of Kindness» («Vidy dabryni») — novaha filma Jorhasa Łancimasa.
U hałoŭnych rolach — Ema Stoŭn, Marharet Kuoli, Uiljam Defo z tryumfatara «Oskara» filma «Niebaraki», a taksama Džesi Plemans, Chanter Šefier i inšyja. Karcinu pačnuć pakazvać z 21 červienia.
U sinopsisie karcina nazyvajecca «bajkaj-trypcicham»» jakaja raskaža adrazu try historyi:
— pra čałavieka biez vybaru, jaki sprabuje ŭziać pad kantrol svajo žyćcio;
— pra palicejskaha, ustryvožanaha tym, što jaho žonka viarnułasia da jaho i zdajecca inšym čałaviekam;
— pra žančynu, jakaja vyrašyła znajści kankretnaha čałavieka, jakomu nakanavana stać niejkim duchoŭnym lidaram.
Łancimas — aŭtar «Niebarakaŭ», «Favarytki» z Emaj Stoŭn, Alivijaj Koŭłman i Rejčeł Vajs i «Łobstara», vystupiŭ režysioram i aŭtaram scenaru.
Raniej stała viadoma jašče ab adnym prajekcie Łancimasa z Emaj Stoŭn — remiejku karejskaj kamiedyi «Vyratavać zialonuju płanietu!». Zdymki karciny pačnucca letam 2024 hoda ŭ Vialikabrytanii i Ńju-Jorku, paviedamlaje «Afiša»
Papiaredni film Łancimasa «Niebaraki» zavajavaŭ «Załatoha lva» ŭ Vieniecyi, čatyry «Oskary» (u tym liku za najlepšuju žanočuju rolu «Oskar» atrymała Ema Stoŭn) i piać premij BAFTA.
Za rolu brytanskaj karalevy Hanny Alivija Koŭłman u filmie «Favarytka» taksama atrymała «Oskar».
Ciapier čytajuć
Kamientary