Хрэнін: Захад рыхтуецца да вайны, вядзе разведку супраць Беларусі
Паводле яго слоў, беларускія вайскоўцы фіксуюць розныя дзеянні з боку заходніх краін, якія ўключаюць у сябе не толькі дзеянні сухапутных войскаў, але і разведку з паветра.
Заходнія краіны вядуць пастаянную разведку супраць Беларусі, заявіў міністр абароны Рэспублікі Віктар Хрэнін у інтэрв'ю тэлеканалу «Расія 24», піша «Спутнік».
«На сённяшні дзень мы бачым своечасовы комплекс мерапрыемстваў, якія праводзіць Заходняя Еўропа на чале з ЗША для падрыхтоўкі да ваенных дзеянняў. Мы разумеем, супраць каго гэтыя ваенныя дзеянні будуць накіраваныя», — канстатаваў кіраўнік абароннага ведамства.
Паводле яго слоў, беларускія вайскоўцы фіксуюць розныя дзеянні з боку заходніх краін, якія ўключаюць у сябе не толькі дзеянні сухапутных войскаў, але і разведку з паветра.
«Акрамя сухапутнага складніка мы бачым, як актыўна, пастаянна вядзецца разведка супраць Рэспублікі Беларусь, ва ўсіх яе відах і радыётэхнічная», — звярнуў увагу Хрэнін.
Пры гэтым ён удакладніў, што разведка беларускай тэрыторыі вядзецца як пры дапамозе самалётаў, так і з выкарыстаннем беспілотнай авіяцыі. Кожны дзень фіксуецца ад пяці да дзевяці вылетаў.
Міністр абароны распавёў, што супраць Беларусі вядзецца і разведка з космасу. З дапамогай спадарожнікаў вывучаюць ваенныя гарадкі і базы арміі.
Цяпер чытаюць
Амерыканскі журналіст Шустэр расказаў, як яго ўгаворвалі зрабіць інтэрв'ю з Лукашэнкам. Нават прапаноўвалі грошы4
Каментары