Грамадства3434

Лукашэнка: Мы павінны быць гатовыя да вайны і ментальна, і стратэгічна

За пяць дзён да выбараў Аляксандр Лукашэнка правёў «пашыраную нараду па бяспецы», на якой накручваў грамадства пагрозай Трэцяй сусветнай вайны і абвінаваціў апазіцыю ў супрацы з Захадам.

«У бліжэйшы час пройдуць найважнейшыя для краіны мерапрыемствы: адзіны дзень галасавання, фарміраванне УНС. Нас зноўку паспрабуюць расхістаць. Гэта відавочна. Схема не зменіцца. Але мы павінны быць гатовы да таго, што яны прыдумаюць новыя трыгеры для дэстабілізацыі грамадства», — заявіў Аляксандр Лукашэнка.

Паводле яго, праціўнікі дыктатуры разглядаюць тры асноўныя сцэнары.

Першы, змену ўлады ў Беларусі падчас выбараў 2024 года, ён назваў малаімаверным. 

Другім ён лічыць змену ўлады падчас прэзідэнцкіх выбараў у 2025 годзе.

Трэцім сцэнарыем ён назваў гульню ў доўгую з шырокім наборам інструментаў мяккай сілы на выпадак правалу першых двух варыянтаў развіцця падзей. 

Лукашэнка лічыць, што менавіта трэці сцэнарый можа быць рэальна задзейнічаны, бо першых двух сцэнарыяў у Беларусі не дапусцяць. 

«Так, сёння асобныя інструменты гэтай мяккай сілы нейтралізаваныя. Мы кардынальна перагледзелі падыходы да дзейнасці антыбеларускіх фондаў і нібыта праваабарончых арганізацый унутры Беларусі. Правялі перарэгістрацыю партый. Людзі ўбачылі антынацыянальную сутнасць так званых лідараў апазіцыі, якія жабруюць у заходніх сталіцах. У Беларусі яны па-за законам», — сказаў Лукашэнка.

Што тычыцца глабальных гульцоў на палітычнай арэне, там стаўкі вышэйшыя, лічыць Лукашэнка. «Гегемону надакучыла ламаць зубы аб Беларусь, якую нават не кожны амерыканец знойдзе на карце свету», — сказаў ён. 

Лукашэнка гаворыць, што ў яго ёсць усё неабходнае, каб абараніць сябе і нанесці праціўніку непрымальную шкоду. 

Ён распавёў, што ў строй пастаўленыя найноўшыя ўзоры беларускай РСЗА «Паланэз-М» далёкасцю да 300 км, на ўзбраенне паступілі 2 зенітных ракетных дывізіёна С-400 і 2 дывізіёна ракетных комплексаў «Іскандэр-М». На тэрыторыі краіны размешчана тактычная ядзерная зброя. 

«Сёння гэта найважнейшы элемент стрымлівання любога праціўніка», — сказаў Лукашэнка.

«І давайце шчыра: што датычыць беспілотнай авіяцыі, дронаў-камікадзэ, маштабнага забеспячэння імі войска, падрыхтоўкі аператараў дронаў мы ўжо адстаём», — прызнаў Лукашэнка.

Аляксандр Лукашэнка заявіў, што толькі шматпалярны свет здольны ўсталяваць раўнавагу і забяспечыць бяспеку на ўсіх кантынентах. 

Пад «шматпалярным светам» расейская і лукашэнкаўская прапаганда маюць на ўвазе рост уплыву Расеі і Кітая і памяншэнне ўплыву краін еўраатлантычнага блока.

«Пераход да яго вельмі стрэсавы і драматычны. А па-іншаму і не можа быць», — сказаў Лукашэнка, намёкам апраўдваючы вайну ва Украіне.

У той жа час Аляксандр Лукашэнка ў характэрнай для сябе непрамой манеры заявіў пра нежаданне ўключацца ў прамыя ваенныя дзеянні ва Украіне, уклаўшы гэтую думку ў вусны нібыта натаўскага генерала: «У нас на руках закрытая інфармацыя. Мы дакладна ведаем, што думае з гэтай нагоды начальнік Генеральнага штаба адной з краін-членаў НАТА: «Мы не змаглі ўцягнуць Беларусь у канфлікт. Актыўны ўдзел Мінска ў вайне падарваў бы рэжым у Беларусі і Аляксандра Лукашэнку. Гэтая магчымасць усё яшчэ адкрытая».

«Нам вайна не патрэбная, таму мы павінны быць да яе гатовыя і ментальна, і стратэгічна. Што тычыцца ўсведамлення сур'ёзнасці моманту. Адкінем усе ілюзіі аб магчымасці дыпламатычнага ўрэгулявання глабальнага канфлікту. Не ў сілах зняць напружанне і міжнароднае права», — дадаў Лукашэнка.

Каментары34

  • Скора
    20.02.2024
    Скора яго так расхістаюць, што ён накладзе поўныя калошыны.
  • FF
    20.02.2024
    А чатыры кірункі, адкуль рыхтаваўся напад, ужо паказаў?
  • Не мае сэнсу
    20.02.2024
    Жабруе лука на каленках у Маскве і Пэкіне. Людзі сапраўды пабачылі антынацыянальную сутнасць Лу і Ко.

Цяпер чытаюць

У Офісе Ціханоўскай працуе выкладчык з Даніі. Ён расказаў, чаму кінуў камфортнае жыццё і заняўся беларускай справай16

У Офісе Ціханоўскай працуе выкладчык з Даніі. Ён расказаў, чаму кінуў камфортнае жыццё і заняўся беларускай справай

Усе навіны →
Усе навіны

Мураванку Храптовічаў у Шчорсах выставілі на аўкцыён. Колькі каштуе1

Ці прыйдзе нарэшце на наступным тыдні цяпло3

73-гадовую мінчанку асудзілі за ўдзел у пратэстах і дадалі ў спіс «экстрэмістаў»7

У Румыніі сёння праходзіць вырашальны тур прэзідэнцкіх выбараў4

Расія запусціла рэкордную колькасць дронаў па Украіне

«Інвестыцыі ў штучны інтэлект скончацца халодным душам». Прагноз IT-бізнэсмена Хамянка3

Мексіканскі карабель сутыкнуўся з Бруклінскім мостам. Ёсць пацярпелыя ВІДЭА6

На Еўрабачанні выйграла Аўстрыя8

Яна прыняла іслам, а ён палюбіў дранікі. У Магілёве пабраліся шлюбам беларуска і пакістанец22

больш чытаных навін
больш лайканых навін

У Офісе Ціханоўскай працуе выкладчык з Даніі. Ён расказаў, чаму кінуў камфортнае жыццё і заняўся беларускай справай16

У Офісе Ціханоўскай працуе выкладчык з Даніі. Ён расказаў, чаму кінуў камфортнае жыццё і заняўся беларускай справай

Галоўнае
Усе навіны →

Заўвага:

 

 

 

 

Закрыць Паведаміць