Шары асобна, ялінка асобна. У Стоўбцах адрэагавалі на кпіны з навагодняй інсталяцыі ФОТЫ
Учора з'явілася навіна, што ў цэнтры Стоўбцаў паставілі навагоднюю інсталяцыю, якая будзіла ў мясцовых жыхароў не зусім пажаданыя асацыяцыі. Улады горада заўважылі, што ў мясцовых пабліках весела, і тэрмінова прынялі меры.
Цяпер элементы інсталяцыі раздзеленыя і пастаўленыя асобна адныя ад адных. Адпаведна і асацыяцый ніякіх будзіць не мусяць.
«Цяпер гэта проста Два Шары і Ялінка. Нашумелую інсталяцыю разабралі», — канстатавалі ў мясцовым інстаграм-пабліку.
Дарэчы, як выяўляецца, раней гэтая самая інсталяцыя стаяла ў зацішным месцы ў парку і на яе ніхто не звяртаў увагі. Мясцовай знакамітасцю яна стала толькі пасля пераносу ў люднае месца.
Чытайце таксама:
У Брэсце вецер знёс навагоднюю ялінку каля адміністрацыі аднаго з раёнаў ФОТАФАКТ
У цэнтры Віцебска працуе казачная вітрына ў стылі Гары Потэра
«Санта-Клаўс тут больш не спыняецца». Бондарава знайшла «крамолу» на мінскім Галоўпаштамце
Каментары