Палякі прыгожа адказалі на «пашпартны бан» Лукашэнкі — перасталі ставіць беларусам штампы
Польшча перастала ставіць штампы аб перасячэнні мяжы ў беларускія пашпарты. Гэтае простае дзеянне, насамрэч, важнае для тых, хто жыве ў Польшчы і не можа памяняць пашпарт пасля новага ўказа Лукашэнкі, але пры гэтым ездзіць у краіны не Шэнгенскай зоны. Кабінет Ціханоўскай абяцае пралабіраваць тое самае з іншымі краінамі ЕС.
«Гэта ж беларус. У беларускія пашпарты не ставім, правільна?» — перадае чытач «Нашай Нівы» размову двух польскіх пагранічнікаў у шкляной будцы пашпартнага кантролю.
«Трымайце ваш пашпарт», — супрацоўнік працягвае не сапсаваны штампам пашпарт.
Пасля ўказа Лукашэнкі, які забараняе беларусам мяняць пашпарты ў пасольствах сваёй жа краіны, сэканоміць лішняе месца ў пашпарце — не лішняе.
Дзясяткі тысяч беларусаў знайшлі прытулак у Еўропе, ратуючыся ад рэпрэсій, і цана за паездку з Шэнгена ў Румынію, Брытанію, Грузію, Казахстан ці амаль любую іншую краіну — 4 штампы. Гэта адразу палова старонкі пашпарта.
Некаторыя кажуць, што з польскім пагранічным кантролем можна было дамаўляцца і раней. Але чалавечы падыход змяніўся сістэмным.
Ні ў Літве, ні ў Латвіі, ні ў Грузіі — краінах, дзе таксама знайші прыстанішча нямала беларусаў, — дамовіцца з пагранічнікамі немагчыма. Хаця ўсе цяпер вядуць электронныя базы, і даведацца дату ўезду ў краіну можна не толькі па штампе ў пашпарце.
«Гэта рашэнне было ўзгодненае Пагранічнай аховай, міністэрствамі ўнутраных і замежных спраў, — расказаў «Нашай Ніве» польскі дыпламат. — Гэта лагічнае рашэнне, таму што пакуль няма яснага разумення, што рабіць многім тысячам беларусаў, якія жывуць у Польшчы і не змогуць абмяняць свае дакументы. Магчыма, будзе прынятае рашэнне ажно да спрашчэння працэдуры атрымання польскага пашпарта, але цяпер робіцца тое, што робіцца. Адмена штампаў можа хаця б запаволіць сканчэнне пашпарта не з прычыны сканчэння тэрміну дзеяння».
Іншыя краіны, у якіх аселі тысячы беларусаў, сутыкнуцца з тым самым выклікам, што і палякі.
У Аб'яднаным пераходным кабінеце кажуць, што пра такое простае вынаходніцтва Польшчы ведаюць і плануюць угаварыць астатнія краіны.
«Плануем такое абмеркаваць на гэтым тыдні. Пакуль не гатовыя назваць краіну», — сказаў «Нашай Ніве» прадстаўнік Кабінета Валер Кавалеўскі.
«Наша Нiва» — бастыён беларушчыны
ПАДТРЫМАЦЬЦяпер чытаюць
«У майго 21 сантыметр — дзесяць базавых далі». Беларусы ў тыктоку жартуюць з новых правілаў ад чыноўнікаў7
Каментары
иногда в них даже пишут.
Часто просто из вредности,
чтобы страницы испортить.