Hramadstva1818

Palaki pryhoža adkazali na «pašpartny ban» Łukašenki — pierastali stavić biełarusam štampy

Polšča pierastała stavić štampy ab pierasiačeńni miažy ŭ biełaruskija pašparty. Hetaje prostaje dziejańnie, nasamreč, važnaje dla tych, chto žyvie ŭ Polščy i nie moža pamianiać pašpart paśla novaha ŭkaza Łukašenki, ale pry hetym jeździć u krainy nie Šenhienskaj zony. Kabiniet Cichanoŭskaj abiacaje prałabiravać toje samaje ź inšymi krainami ES. 

«Heta ž biełarus. U biełaruskija pašparty nie stavim, pravilna?» — pieradaje čytač «Našaj Nivy» razmovu dvuch polskich pahraničnikaŭ u šklanoj budcy pašpartnaha kantrolu. 

«Trymajcie vaš pašpart», — supracoŭnik praciahvaje nie sapsavany štampam pašpart. 

Paśla ŭkaza Łukašenki, jaki zabaraniaje biełarusam mianiać pašparty ŭ pasolstvach svajoj ža krainy, sekanomić lišniaje miesca ŭ pašparcie — nie lišniaje. 

Dziasiatki tysiač biełarusaŭ znajšli prytułak u Jeŭropie, ratujučysia ad represij, i cana za pajezdku z Šenhiena ŭ Rumyniju, Brytaniju, Hruziju, Kazachstan ci amal lubuju inšuju krainu — 4 štampy. Heta adrazu pałova staronki pašparta. 

Niekatoryja kažuć, što z polskim pahraničnym kantrolem možna było damaŭlacca i raniej. Ale čałaviečy padychod źmianiŭsia sistemnym. 

Ni ŭ Litvie, ni ŭ Łatvii, ni ŭ Hruzii — krainach, dzie taksama znajši prystanišča niamała biełarusaŭ, — damovicca z pahraničnikami niemahčyma. Chacia ŭsie ciapier viaduć elektronnyja bazy, i daviedacca datu ŭjezdu ŭ krainu možna nie tolki pa štampie ŭ pašparcie. 

«Heta rašeńnie było ŭzhodnienaje Pahraničnaj achovaj, ministerstvami ŭnutranych i zamiežnych spraŭ, — raskazaŭ «Našaj Nivie» polski dypłamat. — Heta łahičnaje rašeńnie, tamu što pakul niama jasnaha razumieńnia, što rabić mnohim tysiačam biełarusaŭ, jakija žyvuć u Polščy i nie zmohuć abmianiać svaje dakumienty. Mahčyma, budzie pryniataje rašeńnie ažno da spraščeńnia pracedury atrymańnia polskaha pašparta, ale ciapier robicca toje, što robicca. Admiena štampaŭ moža chacia b zapavolić skančeńnie pašparta nie z pryčyny skančeńnia terminu dziejańnia». 

Inšyja krainy, u jakich asieli tysiačy biełarusaŭ, sutyknucca z tym samym vyklikam, što i palaki. 

U Abjadnanym pierachodnym kabiniecie kažuć, što pra takoje prostaje vynachodnictva Polščy viedajuć i płanujuć uhavaryć astatnija krainy. 

«Płanujem takoje abmierkavać na hetym tydni. Pakul nie hatovyja nazvać krainu», — skazaŭ «Našaj Nivie» pradstaŭnik Kabinieta Valer Kavaleŭski.

«Naša Niva» — bastyjon biełaruščyny

PADTRYMAĆ

Kamientary18

  • Bobr
    11.10.2023
    Bravo pravitielstvu Polši!!! Jeŝio b v užondach uskorili prociedury lehalizacii, požałujsta. Možiet PiS i nie tak i płocho?
  • Čarkaškvarka
    11.10.2023
    Vo, dulu łukanutamu kancłahieru.
  • EMIL
    11.10.2023
    V pasport nie tolko štampy staviat,
    inohda v nich dažie pišut.
    Často prosto iz vriednosti,
    čtoby stranicy isportiť.

Ciapier čytajuć

U Smarhonskim rajonie aŭto trapiła ŭ avaryju i razburyła pomnik, jaki adnosicca da historyka-kulturnaj kaštoŭnaści

U Smarhonskim rajonie aŭto trapiła ŭ avaryju i razburyła pomnik, jaki adnosicca da historyka-kulturnaj kaštoŭnaści

Usie naviny →
Usie naviny

Stała stražejšaj adkaznaść za vykarystańnie bieśpiłotnikaŭ2

U Biełaruś z-za miažy pieravodzicca u 1,5 raza bolš hrošaj, čym naadvarot4

Minskaje mietro karektuje prajekt čaćviortaj linii — nie budzie strohaj pryviazki da Druhoha transpartnaha kolca2

U ispanskim horadzie na miesiac zabaranili brać sabie z prytułkaŭ čornych katoŭ1

U Arenburhu znoŭ zahareŭsia atakavany dronami zavod «Hazprama»3

Aštrafavali za toje, što nakapaŭ piasku19

Siłaviki vykupili na dzień akvapark «Lebiadziny» dla ideałahičnaha mierapryjemstva6

«Kibierpartyzany» zajavili, što zdabyli bazu danych danosčykaŭ KDB52

Jak lidar AHP Mikałaj Kazłoŭ vyhladaŭ paśla kałonii FOTAFAKT4

bolš čytanych navin
bolš łajkanych navin

U Smarhonskim rajonie aŭto trapiła ŭ avaryju i razburyła pomnik, jaki adnosicca da historyka-kulturnaj kaštoŭnaści

U Smarhonskim rajonie aŭto trapiła ŭ avaryju i razburyła pomnik, jaki adnosicca da historyka-kulturnaj kaštoŭnaści

Hałoŭnaje
Usie naviny →

Zaŭvaha:

 

 

 

 

Zakryć Paviedamić