U Leninhradskaj vobłaści adbyłasia masiravanaja ataka dronaŭ: pažary ŭ partach i kałaps u Pułkavie
Rasija pieražyła adnu z samych maštabnych atak bieśpiłotnikaŭ za ŭvieś čas kanfliktu: pavodle źviestak Minabarony RF, za adnu noč nad rehijonami krainy było źbita 389 ukrainskich BPŁA. Asnoŭny ŭdar pryjšoŭsia na Leninhradskuju vobłaść, dzie adbylisia pažary na stratehičnych abjektach i spyniłasia praca aeraporta Pułkava.
Pavodle zajavy hubiernatara Alaksandra Drazdenki, tolki nad terytoryjaj Leninhradskaj vobłaści było źniščana 56 bieśpiłotnikaŭ samalotnaha typu.
U porcie Uść-Łuha paśla nalotu pačaŭsia mocny pažar, łakalizacyja jakoha praciahvajecca da hetaha času. Kadry z połymiem na terytoryi porta ŭžo raspaŭsiudzilisia ŭ sacyjalnych sietkach.
Nie spakojna było i ŭ Vybarhu. Miascovyja žychary paviedamlali pra sieryju mahutnych vybuchaŭ pad ranicu. U vyniku padzieńnia abłomkaŭ adnaho sa źbitych aparataŭ byŭ paškodžany i zahareŭsia dach doma.
Masavany nalot dronaŭ paralizavaŭ avijacyjnaje złučeńnie na paŭnočnym zachadzie Rasii. Mižnarodny aeraport Pułkava byŭ vymušany začynić nieba na niekalki hadzin, što pryviało da masavych zatrymak. Na hety momant bolš za 30 rejsaŭ nie mohuć vylecieć z Sankt-Pieciarburha, a jašče jak minimum 10 rejsaŭ byli całkam admienieny. Samaloty, jakija znachodzilisia ŭ pavietry padčas ataki, byli pieranakiravany na zapasnyja aeradromy ŭ inšyja rehijony.
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
Kamientary