Biełaruski instytut navuki i mastactva ŭ supracy z vydaviectvam Fonda «Kamunikat» anasavaŭ vychad pieršaha vydańnia z novaj knižnaj sieryi «Spadčyna BNR». Sieryju raspačynaje «Vybranaje» Kastusia Jezavitava, piša bellit.info.
Hruntoŭnaje vydańnie jość plonam pracy troch układalnikaŭ: Natalli Hardzijenki, jakaja i padzialiłasia navinoj, Juryja Hryboŭskaha i Lavona Jureviča.
Pavodle anatacyi, kniha składajecca ź bijahrafii Kastusia Jezavitava — dziejača Rady BNR, stvaralnika jaje dypłamatyčnych misijaŭ u roznych krainach, arhanizatara biełaruskaha žyćcia ŭ Łatvii, vydaŭca j publicysta, a taksama najvažniejšych jahonych aŭtarskich tekstaŭ, uspaminaŭ, daśledavańniaŭ, vieršaŭ, narysaŭ, listavańnia dy inšaha. Niekatoryja dakumienty publikujucca ŭpieršyniu.
Papiarovyja asobniki źjaviacca ŭ Biełastoku ŭ siaredzinie krasavika, knihu možna zamović ciapier praz sajt Kamunikat.shop.
Kamientary