Na pieršaj u Biełarusi krevietkavaj fiermie buduć razvodzić aŭstralijskich rakaŭ
U Lachavickim rajonie na pieršaj u Biełarusi ekafiermie pa vyroščvańni krevietak zaviali aŭstralijskich rakaŭ. Uładalnik fiermy Uładzimir Hatoŭčyc pryvioz z Rasii bolš za 1,5 tys. malkoŭ i 15 darosłych asobin, piša Office.life.
Na ekafiermie paralelna ź linijaj krevietak zapuścili dźvie asobnyja aŭtanomnyja — dla malkoŭ aŭstralijskaha raka. Pry hetym umovy ŭtrymańnia hetych dvuch rakapadobnych šmat u čym padobnyja.
Pašyreńnie vidaŭ dazvolić pavysić pryvabnaść dla turystaŭ i ekśpiertnaść u hetym napramku, a taksama adpracavać praces vyroščvańnia nietypovych dla Biełarusi račkoŭ dla budučaj vytvorčaści, adznačyŭ Uładzimir Hatoŭčyc:
My adpracoŭvajem technałohii i vučymsia atrymlivać ličynku, a meta — mieć niekalki vidaŭ rakapadobnych i ŭ chutkim časie, spadziajusia, 1—2 vidy ryb.
U dalejšym, pavodle jaho słoŭ, płanujecca naładzić vypusk ułasnaha kormu. U pierśpiektyvie heta stanie asnovaj maštabnaj samadastatkovaj vytvorčaści, jakaja nie budzie zaležać ad pasadačnaha materyjału i karmavoj bazy.
Biznesoviec Uładzimir Hatoŭčyc zapuściŭ krevietkavuju ekafiermu na pačatku 2025 hoda ŭ Alchoŭcach, u budynku byłoj škoły. Dla raźviadzieńnia jon pryvioz z Astrachanskaj vobłaści krevietak Rozienbierha. U vyniku na zapusk i raźvićcio prajekta pradprymalnik vydatkavaŭ bolš za 1 młn rubloŭ.
U žniŭni minułaha hoda jon samastojna pačaŭ razvodzić biełaruskich krevietak ź ikry, atrymanaj u miascovych umovach. A ŭ kastryčniku minułaha hoda na ekafiermie pačali pravodzić ekskursii. Zaraz turysty pryjazdžajuć u Alchoŭcy praktyčna kožnyja vychodnyja.
Pry vychadzie na poŭnuju vytvorčuju mahutnaść fiermier raźličvaje atrymlivać da 300 kiłahramaŭ žyvych krevietak u miesiac.
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary
Da mierykanskich dadajucca aŭstralijskija. ((