На першай у Беларусі крэветкавай ферме будуць разводзіць аўстралійскіх ракаў
У Ляхавіцкім раёне на першай у Беларусі экаферме па вырошчванні крэветак завялі аўстралійскіх ракаў. Уладальнік фермы Уладзімір Гатоўчыц прывёз з Расіі больш за 1,5 тыс. малькоў і 15 дарослых асобін, піша Office.life.
На экаферме паралельна з лініяй крэветак запусцілі дзве асобныя аўтаномныя — для малькоў аўстралійскага рака. Пры гэтым умовы ўтрымання гэтых двух ракападобных шмат у чым падобныя.
Пашырэнне відаў дазволіць павысіць прывабнасць для турыстаў і экспертнасць у гэтым напрамку, а таксама адпрацаваць працэс вырошчвання нетыповых для Беларусі рачкоў для будучай вытворчасці, адзначыў Уладзімір Гатоўчыц:
Мы адпрацоўваем тэхналогіі і вучымся атрымліваць лічынку, а мэта — мець некалькі відаў ракападобных і ў хуткім часе, спадзяюся, 1—2 віды рыб.
У далейшым, паводле яго слоў, плануецца наладзіць выпуск уласнага корму. У перспектыве гэта стане асновай маштабнай самадастатковай вытворчасці, якая не будзе залежаць ад пасадачнага матэрыялу і кармавой базы.
Бізнэсовец Уладзімір Гатоўчыц запусціў крэветкавую экаферму на пачатку 2025 года ў Альхоўцах, у будынку былой школы. Для развядзення ён прывёз з Астраханскай вобласці крэветак Розенберга. У выніку на запуск і развіццё праекта прадпрымальнік выдаткаваў больш за 1 млн рублёў.
У жніўні мінулага года ён самастойна пачаў разводзіць беларускіх крэветак з ікры, атрыманай у мясцовых умовах. А ў кастрычніку мінулага года на экаферме пачалі праводзіць экскурсіі. Зараз турысты прыязджаюць у Альхоўцы практычна кожныя выходныя.
Пры выхадзе на поўную вытворчую магутнасць фермер разлічвае атрымліваць да 300 кілаграмаў жывых крэветак у месяц.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары
Да мерыканскіх дадаюцца аўстралійскія. ((